Aviaun VH-ILJ Tula Pasiente Covid-19 Para Hela Iha Aeroportu Nicolau Lobato

DILI, STLNEWS.co – Aviaun VH-ILJ neebe tula pasiente Diplomata WFP Australia, husi Jakarta (Indonezia) tun iha Aeroportu Internasional Presidente Nicolau Lobato, Comoro-Dili, iha loron 12 fulan Janeiru tuku 05 lokraik, tanba roda kuak.

Vise Ministru Saude (MS), Bonifácio Maucoli dos Reis hatete, Aviaun VH-ILJ nee husi Australia, ba diretamente iha Jakarta-Indonezia atu tula diplomata WFP iha Indonezia, tanba hetan moras pozitivu Covid-19, entaun ho emerjensia sira husu atu hodi atesta fali mina, depois atu semo fali mak hetan asidente roda kuak.

“Aviaun nee husi Australia ba Jakarta (Indonezia) atu tula diplomata WFP Australia servisu iha Indonezia, tanba hetan moras Covid-19, entaun sira husu atu tun iha aeroportu Aeroportu Presidente Nicolau Lobato, Comoro, Dili, atu ense mina mak hetan asidente roda kuak labele semo ba Australia,” dehan nia ba jornalista sira iha Aeroportu Prezidente Nicolau Lobato, Comoro, Dili, Kuarta (13/01/2021).

Nia dehan, aviaun tula ema hamutuk nain-5 mak iha laran, pasiente moras Covid-19 ida, mediku rua inklui pilotu ho ko-pilotu nain rua mak iha laran, bainhira ense tiha mina atu semo fali mak hetan asidente roda kuak labele semo ba Australia.

“Dadaun nee ami simu ona informasaun husi Australia katak, klima la diak, entaun aviaun seluk labele semo, tanba nee pasiente moras Covid-19 ho pasajeiru sira kontinua hela iha aeroportu,” dehan nia.

Tanba nee nia dehan, Ministeriu Saude sei koordena ho Ministeriu Interior no Ministeriu Negosiu Estrajeiru no Kooperasaun hodi buka solusaun, tanba dadaun nee mundu imprenta hela sitausan pandemia Covid-19.

Nia afirma, klima iha Australia la diak sei demora, entaun ekipa Ministeriu Saude sei foti pasiente ba iha fatin izolamentu, depois klima diak fali aviaun seluk bele mai tula, maibe ekipa saude koalia ona ho sira, maibe sira la hatan hakatak iha deit aerportu.

“Sira lahatan, entaun ami koordena ona ho WFP iha Timor Leste atu buka fatin ida kompleta ho toilet atu instala temporariu iha aeropotu, nunee ita bele halo atendimentu ba iha pasiente moras Covid-19 iha nee,” katak nia.

Nia esplika sidadaun nee husi Australia, maibe servisu hanesan diplomata iha WFP iha Indonezia, entaun moras Covid-19 tuir loloos atu halo izolamentu iha indonezia, maibe WFP nia boot la hatan hakarak halo evakuasaun ba Austrália hodi halo tramentu saude.

Iha fatin hanesan Prezidente Konsellu Administrasaun Ajensia Nasional Aviasaun Timor Leste, Empreza Publika (ANATL,EP.) José Trindade da Cruz Pinto hatete, iha tempu implemetasaun Estadu Emerjensia bandu aviaun labele tun iha aeroportu, ho sitausaun emerjensia pilotu sira husu atu tun laos atu halo movimentu fali iha Timor Leste, maibe ho kondisaun aviaun hasoru difikuldade tenke atesta fali mina foin semo fali. Entaun tenke fo autorizasaun duni ba sira atu tun.

“Estadu Emerjensia ami kumpri, maibe pilotu sira husu emerjensia, entaun Autoridade Aviasaun Sivil Timor leste (AACTL) fo autorizasaun ho razaun katak aviaun nee tun hodi rezolve kedas difikuldade neebe iha no semo fali kedas, tanba sira la tula pasajeiru ruma atu hatun iha nee,” dehan nia.

Nia dehan, bainhira aviaun nee tun iha Aeroportu Comoro Dili, atu semo fali mak roda kuak, entaun aviaun labele semo, tanba nee halo ona kontaktu ho autoridade husi Australia tenta autoriza aviaun seluk hodi halo evakuasaun ba pasajeirus neebe iha aviaun laran, maibe tuir informasaun husi Australia rasik katak klima iha neeba seidauk permite.

Tuir observasaun jornalista, Aviaun WHI-ILJ hetan asidente roda oin mak kuak, tanba nee difikulta sira labele semo fali ba Australia.

Ho nunee ekipa prevensaun ba Covid-19 hamutuk ho Vise Ministeru Saude (MS), Bonifácio Maucoli dos Reis, Vise Ministru Interior (MI), António Armindo, hamutuk ho Komadante Jerál PNTL Komisariu Faustino da Costa tun direitamente halo observasaun ba insidente neebe akontese Aeroportu Intenasional Presidente Nicolau Lobato, Comoro-Dili kona ba aviaun roda kuak.*

Reportajen: Claudios de Jesus
Editora: Carme Ximenes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Oinsá Hapara Síklu Husi Notísia...

Lei Eleitoral 3 Aprovadu Iha Jeneralidade, Tama Espesialidade

DILI, STLNEWS.co - Parlamentu Nasional (PN) aprova ona proposta alterasaun lei eleitoral 3 (Orgaun administrasaun Eleitoral, Resensiamentu Eleitoral ho Eleitoral Prezidente Republika) iha jeneralidade...

Bankada CNRT Preokupa Funsionamentu Justisa Hasoru CNRT

DILI, STLNEWS.co - Bankada CNRT preokupa funsionamentu setor justisa neebe halo hasoru bankada CNRT, tanba bankada nota iha persegisaun polítika hasoru estrutura no militantes...
%d bloggers like this: