Bandu Povu Kiik Sai, PPN Viajen Ba Austria, Lei Vale Deit Ba Povu

DILI, STLNEWS.co – Relasiona ho viajen PPN nian ba iha Austria halo ema hotu preokupa no Vise Prezindente Parlamentu Nasional (V-PPN) hatete, programa nee preparadu iha fulan tolu ba kotuk labele kansela no jurista konsidera razaun ida nee nunka los oituan.

“Razaun neebe Vise PPN hato’o nee razaun neebe mak nunka los oituan, ida nee hatudu momos los ba povu katak, lei nee vale deit ba povu kiik sira, maibe boot sira la vale,” dehan Jurista Fernando da Costa ba STL,  Sabadu nee (04/09/2021).

Nia hatutan, pandemia Covid-19 laos foin akontese fulan 1 ka fulan 2 nunee Vise PPN fo razaun katak, planu nee prepara fulan 3 antes ona no labele kansela.

Nia esplika tan, Vise PPN mos hatete katak, tanba PPN hetan vasina dala 2 ona bele halao viajen, no lia fuan nee mos vale deit ba ema boot sira. No povu kiik vasina to’o tiha dala 3 mos tenke kumpre nafatin Konfinamentu Domisiliariu Obrigatoriu, no atu sai husi kapital Dili ba municipiu, tenke swab hodi hetan karta autorizasaun, se laiha karta autorizasaun polisia la fo sai.

Nia parte konsidera, estadu sulan povu iha uma ho situasaun politika halo povu mate tanba hamlaha.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Hasoru Malu Ho Rhee In-Yong

DILI, STLNEWS.co - Prezidente Republika (PR), José Ramos Horta, halao enkontru ho Rhee In-Yong. Iha inkontru nee koalia konaba projetu responsabilidade sosial korporativa iha Timor...

MMT Introdus Planu MLC Ba Stakeholder

LIKISA, STLNEWS.co - Mary MacKillop Today (MMT) halao enkontru ho parte interesada (stakeholders) husi parte governu nia reprezenta, Rui da Costa Belo, Visi Prezidente...

Presiza Kuda Unidade Domin Maromak

UATULARI, STLNEWS.co - Joven mak futuru nasaun nian, tanba nee presiza kria pas no unidade Maromak nian iha sosiedade leet. Kestaun nee hatoo husi, Madre...