Bankada CNRT Preokupa Funsionamentu Justisa Hasoru CNRT

DILI, STLNEWS.co – Bankada CNRT preokupa funsionamentu setor justisa neebe halo hasoru bankada CNRT, tanba bankada nota iha persegisaun polítika hasoru estrutura no militantes CNRT, inklui deputadus CNRT sira, relasiona ho kazu harahun Meza Prezidente Parlamentu Nasional (PPN).

Deklarasaun nee hatoo husi Deputada Bankada CNRT, Carmelita Moniz katak, iha loron 18 Junnu 2021 ida nee, Bankada CNRT hakarak hatoo ba públiku kona ba prosesu justisa neebe oras nee daudauk deputadus sira husi bankada CNRT enfrenta, relasiona ho insidente hadau meza Parlamentu Nasional iha loron 19 Maiu 2020.

“Bankada CNRT haree katak iha estadu de direitu demokrátiku, xave importante atu garante sidadaun sira hotu nia direitu, no atu haburas prosesu demokratizasaun iha rai doben nee, maka setor justisa tenke independente no imparsiál. Maibé, infelizmente, bankada CNRT nota katak iha persegisaun polítika hasoru estrutura no militantes CNRT, inklui deputadus CNRT sira,” deklara Deputada Carmelita Moniz iha konferensia imprensa Tersa (22/06/2021) iha PN.

Nia haktuir, sirkunstánsia no akontesimentus sira neebe harahun independénsia no imparsialidade husi setór justisa iha Timor-Leste (TL) durante nee, maka hanesan, Iha loron 11 fulan-Juñu 2021, Ministériu Públiku notifika deputadus sira husi Bankada CNRT, relasiona ho insidente hadau meza PN iha loron 19 Maiu 2020. Ministériu Públiku konstitui deputadus CNRT núdar arguidus, neebé defende konstitusionalidade no legalidade meza PN nian, enkuantu ignora tiha Bankada CNRT nia keixa neebé hatoo uluk liu, iha loron 19 Maiu 2020, hasoru Furadores no Violadores Konstituisaun RDTL.

Antes nee, deputadu Bankada PLP nudar bankada Governu, Francisco Vasconcelos hatete, relasiona ho notifikasaun MP ba ona deputadu Bankada CNRT sira, nee lahalao ona intervensaun. Neebe ida nee mak refleta ba justisa. Enkuantu bankada governu liu-liu PLP seidauk simu notifikasaun ruma husi MP, iha duni informasaun katak, Vice PN Angelina mak simu notifikasaun husi MP kona ba akontesementu kazu nee, neebe sira bankada hein deit karik bankada hetan sira prontu koopera.

Tuir nia, normalmente deputadu sira, kuandu simu notifikasaun entaun bele husu PN atu hasai imunidade hodi ba hatan, maibe karik sira hakarak ba rasik hodi hatan nee mos konforme.*

Reportajen: Guilhermina Franco/Domingas Soares/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: