Bankada FRETILIN Preokupa Ho Estrada Baucau – Viqueque Agora Paradu

DILI, STLNEWS.co – Deputadu Bankada FRETILIN, Dario Madeira preokupa estrada Baucau ba Viqueque paradu iha parte Asalaitula ba iha Ossu Vila.

“Kompania neebe halo estrada iha Baucau ba Viqueque nee, too agora paradu total iha parte Asalaitula ba iha Ossu Vila nian, nee too agora kompania neebe maka halo estrada nee la kontinua halo estrada tanba saida, neebe hau husu presiza tenke iha esplikasaun ba povu sira para bele hatene, no razaun saida maka kompania sira para,” dehan Deputadu Dario, liu husi Plenaria iha PN, Tersa (06/07/2021).

Nia informa, se kompania labele halo estrada, diak liu fo ba kompania internasional para bele halo, tanba estrada Vila sae mai Ossu nee kada loron ba loron mudansa lao bebeik, nunee transporte publiku sira halo movimentu ba mai ho kontente.

“Agora estrada husi Asalaitula ba too iha Ossu Vila estrada nee para fatin deit, maibe kompania neebe maka servisu nee kuaze tinan 8 liu ona, presiza esplika tanba razaun saida maka nia okupa rai oituan nee no servisu nee nunka lao ba oin,” tenik nia.

Iha fatin hanesan, Deputadu Bankada PD, Mariano Assanami Sabino dehan, presiza tau atensaun ba estrada husi Baucau ba Viqueque.

“Estrada husi Baucau ba Viqueque nee uluk hau husu ona dehan halo ona, maibe hau husu resposta eskritu semak halo no orsamentu hira,” katak nia.

Nia haktuir, depois dalan husi Viqueque ba iha Uatolari, Uatocarbau tama too Ilomar nian nee bainhira atu halo, tanba iha planeamentu uluk nee kategoria estrada rejional, tanba nee maka tenke fo atensaun ba ida nee.*

Reportajen: Natalina Lopes
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: