Bee Sai Save Atinje Susesu Sosial

DILI, STLNEWS.co – Bee nuudar save ida hodi atinje susesu sosial, tanba nee husu ba Parlamentu Nasional (PN) ho governu, tenke prioritiza bee sai hanesan prioridade ba iha Orsamentu Jeral Estadu (OJE) tinan 2022 nian.

Kestaun nee informa husi Diretor HAK, Sisto do Santos ba jornalista sira iha PN, Kinta nee (07/10/2021).

Nia hatete, imajina tinan 20 ona Timor Leste ukun an, maibe ninia populasaun asesu bee depedente deit ba mota, entaun bainhira tempu bailoron bee mos laiha ona.

“Ami hanoin ida nee sai hanesan pontu importante no inkrusial tebes, hodi orgaun hotu – hotu tenke tau ona atensaun masimu ba problema bee nian, tanba objetivu estadu nee atu promove no harii sosiedade ida neebe igualitariu, tanba bee nuudar save ida atu atinje susesu Sosial,” dehan nia.

Sisto hatutan, durante nee tuir deskobrementu neebe HAK hetan, liga ba asuntu bee moos, liu – liu iha area rural, hanesan iha munisipiu rua neebe HAK haree krusial tebes iha Baucau no Viqueque, iha aldeia neebe mak HAK konsidera hanesan kursial.

Aleinde nee, Xefe Bankada Frenti Mudansa, Deputada Ijabel Ximenes  hatete, populasaun sira neebe iha Suku Camea, Aldeia Aidak Behare.

“Populasaun sira nee besik tebes mai iha kapital Dili, maibe sira iha difikuldade boot hodi asesu ba bee moos, halo komunidade sira tenke lao dook oituan iha foho lolon neeba, iha bee matan ida iha neeba,” dehan nia.*

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...