Branco: Aktu PNTL Hafoer Instituisaun Estadu

DILI, STLNEWS.co – Xefe Bankada FRETILIN, Francisco Miranda Branco, afirma aktu membru PNTL neebe halo hasoru sidadaun ka vendedor nuu, halo foer instituisaun estadu nia naran.

“Hau lamenta tebes iha sidadaun ka individu balu neebe halo parte iha instituisaun PNTL, hamosu sira nia hahalok sira nee hodi halo foer ita nia instituisaun estadu nia naran,” dehan nia liu husi Plenaria iha PN, Segunda (24/05/2021).

Nia dehan, PNTL halo kontribuisaun ona iha mundu, mos integra iha asoens pasifikas de paz iha nasaun balu iha Afrika, no dadaun iha nasaun nia laran iha atividade lubuk ida neebe presiza ita apresia.

“Tanba nee lamenta tebes, hau propoin governu tenke rekruta espesialista psikolog sira, atu halo akompaniamentu ba membru polisia,” dehan nia.

Iha fatin hanesan, Deputada Bankada PD, Elvina Souza hatete, hanesan reprezentante povu hakarak kondena aktus neebe maka halo husi oknum polisia nain 3 neebe hasoru vendedor nuu hetan agregasaun fiziku no konsidera agregasaun mos nia dignidade hanesan ema.

“Husu atu hapara kualker aktu brutalismu hasoru sidadaun sira, husi oknum PNTL sira nee importante tebes,” dehan nia.

Nia hatutan, iha oportunidade nee husu servisu hanesan siguransa, tenke iha responsabilidade halo atuasaun ho diak no labele ho atuasaun brutalismu.

Nunee mos, Deputada Bankada CNRT Veneranda Lemos, “hau lamenta ho atitude membru PNTL baku sidadaun neebe buka osan baku tasak didiak neebe agora dadaun viral iha media sosial,” dehan nia.*

Reportajen: Domingas Soares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: