CAC – DNTM Halo Inspesaun Urjente Ba Dokumentus Ro Success

DILI, STLNEWS.co – Komisaun Anti Korupsaun (CAC-sigla Portugues) no Diresaun Nasional Transporte Marítima (DNTM) halao inspesaun urjente ba kondisaun no dokumentus Ro Success.

Tuir Komisariu Adjuntu CAC ba asuntu Prevensaun no Sensibilizasaun, Luis Sampaio katak, nia parte liu husi Diresaun Prevensaun Sensibilizasaun akompania ekipa husi diresaun nasional transporte martíma nian halo inspesaun ba kondisaun ro Success hodi rekolla hela dadus ruma tuir publiku.

Nunee ekipa ida servisu besik semana ida atu haree prosesu sira ligasaun ho anterior nian kona ba kontratu no mekanizmu sira neebe mak lao hela durante nee, para hanoin se iha situasaun sira hanesan nee iha nesesidade duni atu halo ida nee kalae.

“Tanba nee DNTM hamutuk ho CAC halo servisu, hodi haree prosesu ro Success lao oinsa. Tanba ro Success nee tuir informasaun durante nee nia apoiu hela governu durante ro Nakroma avaria. Maibe nafatin akompana sira nia servisu no objetivu husi inspesaun nee oinsa atu kontribui ba hadia sistema neebe mak presiza hadia tuir mai, no husi prosesu neebe ami halo nee ami hetan buat balun neebe ita hanoin presiza halo klean liu tan ajuda ita nia governu atu hadia sistema sira neebe mak iha,” Luis Sampaio iha Portu, Dili, Kinta (03/06/2021).

Adjuntu CAC nee afirma, prosesu rekolla dadus foin hahu tanba nee seidauk bele anusia ba publiku, maibe wainhira remata ona bele komunika ba parte relevantes hodi anunsia nia rezultadu.

“Ami sei rekolla hela dokumentus inklui kontratu konfirma mos ita nia provizaun lei aplikaveis regime aprovizionamentu nian oinsa. Buat sira neemak ita rekolla hela hotu mak nia deskobrementu nee oinsa, ita komunika ba autoridade kompetente,” dehan nia.

Nunee mos Diretor Kompana ro Succes, Sansão Gomes, akresenta, kondisaun ro Success diak hela no bele halo operasaun ba mai Oekusi no Ataúro. Nia rekoiñese iha dokumentu ro Success nian ona iha tinan kotuk. No ro nia dokumentus seidauk bele halo renovasaun tanba iha hela situasaun lockdown iha nasaun Malazia.

“Teknikamente durante nee ro la iha problema, maibé dokumentus ro Success nia mate. Ami enkamina hamutuk ho karta neebé ami iha ba diresaun nasional transporte maritima katak ami labele ba renova dokumentus no manutensaun, tanba dadaun nee Malazia implementa hela lockdown,” dehan nia.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...

SEKoop Apoiu Komunidade Afetadu Inundasaun 253

DILI, STLNEWS.co - Governu liu husi Sekretariu Estadu Kooperativa (SEKoop), fo apoiu nesesidade bazika ba komunidade sira neebe maka hetan afetadu husi inundasaun iha...
%d bloggers like this: