CAC Halo Observasaun Ba Roo TRANSHIP II

DILI, STLNEWS.co – Iha loron Sesta (04/06/2021) iha oras tuku 14:00, Comisaun Anti Corupsaun (CAC) halo observasaun ba iha roo TRANSHIP II.

“CAC hakarak halo akompaniamentu besik halo observasaun laos halo inspesaun, maibe halo akompaniamentu no observasaun besik ba servisu Diresaun Nasional Transporte Maritima, neebe iha duni kapasidade tekniku no autoridade atu halo inspesaun ba roo neebe estadu Timor Leste aluga,” dehan Adjuntu CAC Luis de Oliveira Sampaio ba jornalista sira iha Portu Dili, Sesta nee.

Nia hatutan, iha semana kotuk iha reajem makas husi PN, no antes nee iha reuniaun ida entre Komisaun E iha PN no APORTIL, sira konkorda atu la nesesariamente kontrata ba roo foun, hodi taka Nakroma neebe tama ba dokin, tanba iha hela roo substituisaun neebe kompania nasional sira maka fornese hela voluntariamente.

Maibe ikus mai autoridade kompetente Ministeriu Tutela Transporte no Telekomunikasaun halo desizaun hodi kontinua halo kontratu ba roo nee, mesmu iha polemika nia laran. Sosiedade ezije, no forum NGO ezije CAC atu haree tok prosesu neebe lao, tanba nee CAC liu husi nia diresaun prevensaun no sensibilizasaun halao servisu ho APORTIL, buka informasaun rekolla dadus relevante sira prosesu no mekanizmu, neebe liga ho desizaun sira ba aluga roo nee.

Foto: STL/Terezinha de Deus

Nunee koalia mos ho Autoridade Nasional Transporte Maritima nian, rona informasaun sira neebe durante nee rekolla hela, hanesan baze ba sira atu analiza ba informasaun sira nee, tanba CAC nia papel ida maka oinsa rekolla informasaun sira neebe iha risku potensia ba korupsaun, no mos bele konsola instituisaun estadu sira oinsa bele prevene potensia husi korupsaun neebe akontese.

Nia hatutan, halo ona prosesu inpesaun ba roo ida uluk, iha mos referensia atu haree fali prosesu iha roo ida nee halo mos hanesan ida seluk ka lae, antes deside nia berlayar tuir kontratu neebe estadu no kompania roo Tranship II deside atu halao operasaun iha Timor.

Luis afirma, iha mos reklamasaun husi kompania nasional sira, tanba sa la utiliza ita nia roo mezmu sira iha dokumentu tolu neebe, liu ona prazu sei hadia, no ita mos tama hela sirkuntansia Covid sira labele ba, no sira halo ona komunikasaun no korespondensia, iha neeba responde labele ba buat sira neebe maka haree.

Maibe autoridade kompetente iha rajaun seluk, maibe ho prejensa CAC nian atu fo resposta ba ba ezijensia publiku nian atu haree buat balu naksalak karik. No prosesu neebe sira akompania iha ona konkluzaun foin fo hatene sai, sei estuda dokumentus sira nee atu asegura katak, labele pronunsia buat sira nee antesipadamente sem analiza profunda sasan sira nee.*

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: