CAC Haruka Karta Ba MJ

DILI, STLNEWS.co – Comisaun Anti Corrupsaun (CAC);(sigla portugés), ofisialmente haruka ona karta ba Ministeriu Justisa (MJ), atu bele halo tradusaun lei Media Prevensaun no Kombate Korrupsaun (MPCC-sigla portugés).

Dehan Komisariu Komisaun Anti Korrupsaun (CAC-sigla portugés), Sérgio Hornai ba jornalista sira, iha Salaun CVTL, Bairru Grilhos, Kuarta (14/10/2020).

“Hafoin lei nee promulga hau ofisialmente haruka ona surat ba Ministru Justisa no agora servisu namanas hela, tradusaun minimu ita iha lingua ofisial rua. Lei nee emitidu iha língua português, agora atu halo tradusaun tetun, agora posivelmente produs iha língua traballu, tantu lian inglés ka lian traballu nian,” katak Komisáriu CAC.

Iha loron 9 Fulan Setembru 2020 liu ba, Diretor Ezekutivu Sentru Estudu ba Paz no Dezenvolvimentu (CEPAD-sigla portugés), João Boavida, husu governu atu halo tradusaun ba lei MPCC nunee sosiedade hotu-hotu bele kompriende di-diak lei ne’e iha implementasaun.
João fundamenta, kestaun boot ba finalidade komprensaun timor oan hotu-hotu ba lei MPCC nee tanba ho versaun português.

Diretór CEPAD fó hanoin nee nunee implementasaun lei lao ho diak no ema hotu kompriende lei nee tanba lei nee importante ba sosiedade tomak.

Tanba versaun tetun seidauk iha no seidauk lao tuir sosializasaun klean iha orgaun soberanu ida-idak ba setor privadu, sosiedade sivil no komunidade tomak perguntas mak nee lei nee sei hetan ninia implementasaun efetivu ka lae?

Hanesan CEPAD bele halo sosializasaun ba lei ida nee, maibe ida nee deit sei latoo tanba lei aprovadu ona hein deit atu implementa. Tanba, dalaruma iha KAK sira barak mos sei kestiona ida nee tanba ho versaun português.

Entaun presiza iha versaun tetun nunee investigador labele hasoru difikuldade. Media mos tenke kestiona tanba sa mak lei neebe importante no sensitivu ba futuru interese povu nian, maibe mai ho lian português deit.*

Reportajen: Guilhermina Franco/ Domingas Soares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Video Vasina https://youtu.be/_p-St6W4XHw Ministério dos Assuntos...

Ema 200 Aprende Materia Kooperativa

DILI, STLNEWS.co - Sidadaun hamutuk 200 tuir formasaun husi Sekretaria Estadu Kooperativa (SEKoop), kona ba materia koperativa nian durante semana ida. Tuir Diretor Jeral Sekretariu...

Hakarak Atividade Lao Normal, Taur Apela Komunidade Simu Vasina

DILI, STLNEWS.co - Primeiru Ministru (PM) Taur Matan Ruak apela ba populasaun atu partisipa iha kampania vasinasaun, nunee wainhira tasa partisipasaun aas governu bele...
%d bloggers like this: