DILI, STLNEWS.co – Core Group Transparency Timor Leste (CGT-TL) husu IX Governu atu labele implementa subsidiu neebe governu anterior implementa, tanba fo todan ba fundu minarai.
“Ita nia esperansa ba IX Governu iha 100 dias mak tenki servisu ho efetividade no ita husu atu labele kontinua programa governu nian neebe fo subsidu hela deit, tanba nia implikasaun nee ba orsamentu jeral,” dehan Koordenador Core Group Transparency Timor Leste (CGT-TL) liu husi konferensia imprensa neebe halao iha sede FONGTIL, Sabadu (01/07/2023).
Nia hatutan, subsidiu neebe governu anterior implementa nee IX Governu presiza reve fila fali, tanba orsamentu neebe uza hodi implementa programa sira nee depende deit ba Fundu Minarai, nee sustentabilidade nasaun nian mos depende deit ba iha fundu minarai, bainhira subsidiu nee kontinua implementa mak sei fo todan deit ba orsamentu estadu.
“Programa neebe VIII Governu Konstituisional implementa bainhira diak, IX Governu bele kontinua, maibe ida neebe mak ita haree fo todan ba orsamentu estadu diak liu lalika, tanba ita hatene katak dadaun nee ita nia fundu minarai iha hela risku nia laran,” dehan nia.
(alb)
