Chega Selebra Loron Internasional Arkivu

DILI, STLNEWS.co – Sentru Nasional Chega (CNC-sigla Portugues) selebra loron internasional arkivu, neebe Organizasaun Nasoens Unidas (ONU) rasik deside loron 9 fulan Junnu nuudar loron internasional arkivu ninian.

“Pontu importante tema iha tinan ida nee maka empodera arkivu ou hakbiit liutan arkivu sira, i iha aspeitu hakbiit nee ita koalia kona ba asesu no koalia kona ba transparansia oinsa maka arkivu sira nee bele nakloke i bele utiliza,” lia hirak nee hatoo husi Diretor CNC, Hugo Maria Fernandes ba jornalista sira iha salaun CNC Balide, Kuarta (09/06/2021).

Nia dehan, ida nee signifika ba oin, ema hotu hatene kada pais ida iha kondisaun diferente, riskusaun balun tenki aplika maibe arkivista mundial sira katak, tenki iha posibilidade atu arkivu nee nakloke ba publiku para asegura transparansia kontabilidade, nomos importante liu maka oinsa maka uza arkivu nee hodi halo politika publiku nee ba diak.

“Arkivu nian kontein ba pasadu nian iha buat barak maka diak no balun maka ladiak, maibe ita aprende husi arkivu ita bele estabelese politika publika neebe maka diak, buat aat sira ita tau ses tiha, hau hanoin topiku ida nee maka hakarak lori mai iha seminariu ida nee,” tenik nia.

Nia esplika, importante mos preokupasaun boot instituisaun sira neebe maka jere arkivu sira maka enkuadramentu juridiku.

Iha fatin hanesan Vise Ministru Administrasaun Estatal (MAE), Lino de Jesus Torrezão dehan, objetivu ida nee atu selebra loron internasional arkivu, no iha arkivu nasional nee bele iha ona, i presiza mos rekursu neebe maka iha ninian kapasidade tomak, para bele halo dezenvolve an oinsa maka atu tama no servisu iha arkivu, hodi bele hetan arkivu ninian pozitivu nee oinsa.

“Dala barak ema kuandu koalia arkivu nee ema dehan hanesan nee atu ba servisu deit maibe sira lakohi hein arkivu ida, tanba sira dehan ita ba arkivu nee ema atu arkiva fali ita husi neeba, no atu dezenvolve an iha neeba, maibe iha fatin neebe deit no tanba saida maka iha loron arkivu internasional tanba ema hatene katak, arkivu nee ninian prezerva no buat hotu neebe maka iha,” dehan Vise Ministru nee.

Nia informa tan, gistoria neebe maka pasadu nian tau i ida ba oin mos iha, atu foti ema sira no kapasita ema sira ba oin mos ida nee hanesan historia ba ita nia jerasaun sira para atu hatutan nafatin prezervasaun neebe maka agora dadauk iha.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: