Claretianu Halekar Domin Nain Feto Ba Ema Hotu

DILI, STLNEWS.co – Misionariu Claretianu, servi no halekar Nain Feto nia domin ba ema hotu, liu husi sira nia misaun.

Padre Robertus Wontong hatete, devosaun ba futar fuan sala laek Nain Feto, sei kontinua ba nafatin, maske sarani ida hili ona dalan sai Nai Lulik, no devosaun nee nafatin sira hatudu liu husi sira nia knar.

Ida nee mak Antonio Claret hatudu, tanba nia hadomi tebes Nain Feto, wainhira nia simu ordenasaun sai Bispo iha Kuba, nia aumenta naran Maria iha nia naran uluk, Antonios Maria Claret. Padre nee haktuir, ba Claret Nain Feto espesial tebes, maibe la nega Jesus maka boot tebes iha nia moris.

“Tan nee ami nuudar Claretianu, ami mos halao ami nian knaar nuudar oan husi Nain Feto nian atu halekar domin Nain Feto nia ba ema hotu, tan nee ami nia espiritualitas nee Kordis Maria / Hati Maria ida nee maka halo ami, hetan espiritu oinsa halo misaun hanesan Nain Feto neebe domin nain, perdua, no tau matan ba ema hotu, iha buat barak neebe mosu husi nia fuan,” lia murak nee hatoo husi Padre Robertus Wontong, ba STL hafoin remata misa festa Sagrado Coração de Maria, iha Parokia Sao Jose Aimutin, Sabadu (12/06/2021).

Misionariu Claretianu tenke servi ho domin hanesan Nain Feto, tan nee selebrasaun boot ohin espesial tebes, tanba sirai nia espiritualidade maka Nain Feto Kordis Maria.

Padre nee haktuir, sarani sira atu hanesan Nain Feto presiza halekar domin ba mundu ba maluk no familia sira, wainhira sarani ida nia moris nakonu ho domin bele moris hamutuk, respeita malu, hadomi malu, haburas dame no paz iha komunidade no familia laran.

Tan nee husu ba sarani sira povu Timor-Leste, atu nakonu ho domin, nunee ema hotu bele moris iha paz no dame nia laran.

Antes selebra festa Sagrado Coração de Maria, halao uluk novena loron 9 ba komunidade laran, iha atividade hanesan seminarista hakerek refleksaun kona ba Nain Feto, oinsa sira nia esperensia ho Nain Feto, oinsa sira nia moris apakah sira tuir Nain Feto nia moris.*

Reportajen: Joaninha Belo
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: