CLN Preparadu Apoiu Foos Ba Populasaun Iha Situasaun KO

DILI, STLNEWS.co Sentru Lojistika Nasional (CLN – sigla portugues), preparadu ona atu apoiu nesidade baziku liu – liu foos ba populasaun vulneravel iha situasaun Konfinamentu Obrigatoriu (KO) neebe dadaun nee implementa hela iha Munsipiu Dili.

Tuir Direitor Diresaun Transporte Lojistik, CLN Cristovao da Costa Pereirra Martins hatete, dadaun nee Diresaun Transporte Lojistic hetan ona pedidu husi Ministeriu Turismu Komersiu Munisipiu atu apoiu nesidade baziku liu – liu hanesan foos ba populasaun sira iha Munisipiu Covalima neebe antes nee hasoru hela situasaun Serka Sanitaria (SS) nomos iha Soibada Munisipiu Mantuto.

“Iha situasaun Konfinamentu Obrigatoriu (KO) dadaun lao iha Munisipiu Dili nee ita seidauk simu pedidu ruma atu apoiu. Maibe ami agora dadaun prepara ona atu garante stok foos bainhira iha situasaun konfinamentu neebe dadaun nee lao hela, ema hotu – hotu hakmatek iha uma, CLN prontu lao hodi fasilita apoiu ruma ba populasaun sira neebe mak presiza aihan,” dehan Direitur Diresaun Transporte Lojistic, Centru Nasional Lojistik (CLN) Cristovao da Costa Pereirra Martins iha nia knaar fatin Bebora, Dili, kinta,(02/09/2021).

Iha parte seluk, Ministru Prezidensia konsellu Ministru (MPKM) Fidelis Leite Magalhaes hatete, konaba nesesidade populasaun sira iha situasaun KO nee ministeriu relevante sira iha knaar importante atu foti hodi responde ba situasaun ida agora nee.

“Ministeriu relavante sira hanesan Ministro Coordenador dos Assuntos Económicos (MCAE), Ministério da Turismo, Comercial e Indústria (MTCI), Ministeriu Solidaridade Sosial no Inkluzaun (MSSI) nee iha knaar responsabilidade neebe masimu para bele foti medida sira neebe mak bele halo kmaan hirak neebe mak ita nia sidadaun enfrenta no ultrapasa hela,” dehan MPKM Fidelis.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: