CNC Informa Progresu Servisu Ba PM

DILI, STLNEWS.co – Diretor Ezekutivu Centru Nasional Chega (CNC), Hugo Fernandes halao enkontru ho Primeiru Ministru (PM) Taur Matan Ruak, hodi informa kona ba progresu servisu neebe CNC halo, iha primeiru trimestral husi fulan Janeiru too mai Marsu ba Xefe Governu.

Diretor Ezekutivu CNC, Hugo Fernandes hatete, ohin loron CNC halao enkontru ho Primeiru Ministru, hanesan CNC tutela diretamente ba PM, tanba nee iha enkontru regular nee, lolos enkontru nee halao kada trimestral, maibe tanba problema iha fulan Abril PM okupadu hela ho situasaun neebe maka dadaun nee infrenta, tanba nee ohin loron PM foin iha disponivel hodi halao enkotru.

“Hau informa atualiza ba Primeiru Ministru, kona ba progresu servisu neebe Centru Nasional Chega halo iha primeiru trimestral, husi fulan Janeiru too mai Marsu,” dehan nia ba jornalista, hafoin remata hasoru malu ho PM, iha rezidensia PM, Farol, Dili, Tersa (25/05/2021).

Nia hatutan, agora tama ona iha fim de Maiu, nunee iha hasoru malu nee mos atualiza liu tan kona ba progresu neebe maka lao ona to mai fulan Maiu nee.

“Programa neebe maka CNC halo hatoo ba Primeiru Ministru, nunee PM kontinua alina ho politika oitavu governu konstituisional nian, liu liu atu haree kona ba oinsa maka atu kontinua prezerva memoria pasadu sira, neebe halo liu husi peskiza istoriku sira, no liu husi digitalizasaun arkivu istoriku sira no mos mapamentu ba fatin istoriku sira nee, ida nee ita lao nafatin,” Hugo afirma.

Hugo hatutan, CNC mos intrega kontiudu balun husi relatoriu Chega ho Pemas iha kurikulu ensinu, hanesan PM neebe akompana diak tebes, nunee iha hasoru malu nee PM mos husu konaba progresu nee too iha neebe, tanba iha tinan kotuk nee CNC halo submisaun ba Ministeriu Edukasaun konaba kurikulu siensia sosiais, istoria i geografia, ba iha terseiru siklu eskola sekundaria.

Aleinde iha hasoru malu nee, informa mos ba PM kona ba parseira neebe maka diak tebes, entre CNC ho Sentru Integradu Jestaun Krize no mos Ministeriu Saude hodi bele halo ajustamentu iha ospital Lahane neebe hanesan fatin istoriku, maibe agora dadaun nee uza hela ba sala izolamentu.*

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: