CNCS-TL Sosializa Informasaun HIV-SIDA Iha Liquiça

DILI, STLNEWS.co – Comição Nasional de Combate HIV-SIDA de Timor Leste (CNCS-TL) serbisu hamutuk ho Serbisu Saude nomos Autoridade Lokal Munisipiu Liquiça sosializa informasaun HIV-SIDA ba komunidade no Autoridade Suco Maumeta, Liquiça Villa.

Liu husi karta komunikadu neebe STL asesu iha Segunda (24/05/2021), Sekretariu Ezekutivu CNCS-TL, Atanacio de Jesus liu husi diskursu hatete, ema hotu preokupa no kuidadu aan hela ba pandemia COVID-19, maibe tenke kuidadu aan mos ho virus HIV, tanba problema HIV-SIDA hanesan kalamidade saude publika neebe oras nee dadaun mundu hotu preokupa.

“Karik ita afetadu ho virus HIV bele estraga ita nia sistema imunidade, entaun fasil atu daet mos COVID-19, tanba ema nia imunidade isin la forte atu kontra COVID 19,” haktuir Atanasio iha Suku Maumeta (Liquiça Villa), Segunda (24/05/2021).

Nia hatete, haree husi situasaun ida nee, papel importante husi CNCS-TL mak atu sosializa informasaun para komunidade sira hotu bele hahu halo prevensaun ba HIV-SIDA.

Nia haktuir, maske dadaun nee seidauk iha pasiente HIV-SIDA ida mak mate ho COVID-19 maibe ho sosializasaun informasaun nee bele ajuda komunidade sira prevene aan husi virus HIV, nunee nafatin iha imunidade forte hodi hasoru ataka husi COVID-19.

Iha fatin, hanesan Prezidente Autoridade Lokal Munisipiu Liquiça, Domingos da Conceição do Santos hatete, programa sosializasaun informasaun HIV-SIDA importante ba komunidade sira oinsa atu halo prevensaun ba atake husi HIV.

“Se ita hatene ona oinsa virus ne’e hadaet, husu atu labele halo stigma no diskriminasaun ba maluk sira nebe moris ona ho virus HIV,” dehan Administrador nee.

Prezidente Autoridade nee husu ba sidadaun sira tenke hamoris fali ida idak nia konsensia hodi bele kontribui ba prevensaun HIV-SIDA.

Nia mos agradese ba inisiativa CNCS-TL nian tamba bele organiza ona eventu refere hodi hasae konesementu komunidade nian kona ba HIV-SIDA.*

Reportajen: Claudios de Jesus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: