CNE: Covid-19 Eleisaun Prezidensial Kontinua Lao

DILI, STLNEWS.co – Prezidente Komisaun Nasional Eleisaun (CNE – sigla portugues) Jose Agostinho Belo informa, Covid-19 eleisaun prezidensial tinan 2022-2027 kontinua lao.

“Covid-19 la afeta ba eleisaun, tanba preparadu kontinua lao hela no sira mos sente fiar an hodi preparadu,” dehan Jose Agostinho ba STL iha nia knaar fatin CNE Colmera, Dili, Segunda nee (06/09/2021).

Nia hatutan, oras nee dadaun CNE ho Servisu Tekniku Administrasaun Eleitoral (STAE) servisu tuir kalendariu, tanba konstituisaun artigu 2 dehan, soberania deside iha povu nia liman no produs lider nasional no orgaun soberanu sira tenke liu husi dalan eleisaun. Tempu eleisaun hotu ona nee mudansa ba pakote lei sira, tanba nee mak parlamentu altura halo pakote ida neebe mudansa ba eleisaun ninian.

Jose dehan, preparasaun lao tuir deit kalendariu, tanba liu – liu tekniku sira iha CNE ho STAE no funsionariu kontinua preparadu.

Maibe sira konsulta ona ho parseiru balun no hetan mos esperensia barak husi Komunidade Nasaun Koalia Lian Portugues (CPLP – sigla portugues) no nasaun vizinu hanesan Indonezia, tanba eleitoral sai membru orgaun mundial ba eleitoral nian, no sai mos membru ba CPLP neebe esperiensia barak iha sira kontinua lao hela.

Agora dadaun sira halao hela padraun sira neebe oinsa atu prepara ba eleisaun prezidensial. Tanba nee mak STAE prepara no CNE liu husi edukasaun sivika neebe sira halo, no sosiedade hato’o katak, eleisaun atu lao lalais tanba kauza husi pandemia Covid 19.

Iha fatin seluk observador Politika Universidade Nasional Timor Lorosae (UNTL) Dekanu FCS, Camilo Ximenes Almeida hatete, iha situasaun Covid-19 eleisaun prezidensial kontinua lao, para ema labele tau kestaun ba PR, PR tenke iha vontade neebe mak diak ba nasaun.

Nuudar prezidente nia mak asegura konaba estabilidade, liu – liu seguransa ba sosiedade, nee atividade sira bele lao maibe tenke respeita regra sira neebe estabelese husi Organizasaun Mundial Saude (OMS).

Ho ida nee mak solusaun bele rezolve konaba situasaun nee no tenke iha vontade.*

Reportajen: Blandina Mauno/Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: