CNE Dezemina Informasaun Edukasaun Sivika

BAUCAU, STLNEWS.co – Komisaun Nasional Eleisaun (CNE – sigla portugues) dezemina informasaun edukasaun sivika ba estudante sira iha Eskola Sekundaria Jeral Nu. 01 Tirilolo, Baucau.

Lia hirak nee hato’o husi Presidente CNE, José Augustino da Costa Belo ba jornalista, bainhira lansa edukasaun sivika ba estudante sira iha Eskola Sekundaria Jeral Nu. 01 Tirilolo, Baucau, Kinta nee (14/10/2021).

Nia hatete, objetivu prezensa nee atu dezemina informasaun kleur liu tan konaba edukasaun sivika ba estudante sira, liu – liu ba estudante sira neebe atinje ona tinan 17, no ba estudante sira neebe mak tuir eleisaun, tanba iha resenseamentu nee obrigatoriu, maibe eleisaun laos obrigatoriu.

Servisu Tekniku Administrasaun Eleitoral (STAE) no CNE ninia papel importante atu dezemina informasaun nee ba estudante sira, nunee eleisaun presidensial neebe mak sei realiza iha tinan nee, estudante sira nee bele partisipa hodi vota ho rasional, responsabilidade, nunee mos komprende diak liu tan konaba prosesu tomak.

“Ami nia prezensa mai iha nee, lori mos materia relevante oinsa atu esplika ba sira, hanesan sidadaun no estudante atu responsavel ba votu neebe sira fo ba estadu ida nee,” dehan Prezidente CNE.

Nia hatutan, materia neebe mak STAE no CNE aprezenta ba estudante sira mak, materia konaba resenseamentu eleitoral, tanba resenseamentu eleitoral foin lalais iha deputadu balun halo alterasaun ba lei nee rasik, tanba uluk liu uza kritéria hanesan sertidaun batizmu bele ba rejistu eleitoral, maibe ho lei dadaun nee simu deit mak hanesan billete indentidade, sertidaun RDTL ho pasaporte.

Iha fatin hanesan, estudante Elizabet Baptista nia parte hanesan eleitor foun, sente kontente partisipa iha programa nee, tanba bele hatene ona konaba eleitoral, no oinsa atu partisipa iha eleisaun neebe mak sei realiza iha tinan oin.

Reportajen: MJ-1

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...