DILI, STLNEWS.co – Comição Nasional das Eleições (CNE) halao retiru nasional hodi halo reflesaun ba servisu tinan kotuk, nunee prepara planu diak hodi hasoru eleisaun prezidensial.
Informa, Prezidente CNE, Jose Agustinho Belo hatete, reflesaun nee halao durante loron 2, ida nee atu halo reflesaun interna, hadia uma laran. Konsolida forsa neebe iha, husi prezidente to’o staff tekniku sira hotu, tanba sei hasoru festa boot eleisaun.
“Reflesaun nee ami sukat forsa i ami rekonese frakeza, atu nunee halo planu diak hasoru eleisaun,” hatete Prezidente CNE, Jose Belo ba jornalista bainhira halao retiru nasional iha CNE, Colmera, Kuarta nee (12/01/2022).
Nia dehan, reflesaun nee mai husi 12 munisipiu inklui RAEOA, atu mai aprezenta hanoin no halo avaliasaun ba servisu neebe liu ona, atu hadia an hodi kontribui masimu ba servisu sira neebe CNE sei halo.
Kontinua ba pajina 2
