CNRT Hametin Estrutura Iha Baze

MALIANA, STLNEWS.co – Partidu CNRT halo konsolidasaun iha Munisipiu Bobonaro, Postu Administrativu Maliana, Suku Lahomea, Aldeia Genuha hodi hametin diak liu tan estrutura partidu nian iha baze.

Liu husi intervista, Adjuntu Sekretariu Jeral Partidu CNRT Francisco Guterres hatete, Partidu CNRT mai to’o iha nee atu reorganiza estrutura Partidu CNRT nian iha baze, tanba CNRT mak bele rezolve povu nia halerik, tanba nee hakuak boot ba maluk sira neebe husi partidu seluk mai hamutuk ho Partidu CNRT, liu husi ema hotu nia votus mak bele deside lider ida sae ba ukun, hodi rezolve povu nia halerik.

“Hau nia hakuak boot ba maluk sira neebe ohin mai husi partidu seluk (Afilia), tanba imi nia votus sei reforsa maun boot Xanana ba kaer hikas ukun, agora ita hein hela eleisaun rua neebe sei mai iha tempu  badak, eleisaun prezidensia no eleisaun parlamentar, maibe eleisaun rua nee, ida neebe importante liu mak eleisaun parlamentar,” dehan nia.

Nia afirma, Partidu CNRT mai to’o iha aldeia ida nee atu reorganiza hikas estrutura  partidu nian, tanba nee maluk sira neebe husik ona partidu seluk hodi mai hamutuk  iha fatin nee, atu fo votus ba Partidu CNRT kaer ukun, hodi rezolve tiha problema neebe povu hasoru agora dadaun nee.

Partidu CNRT sei deside nia kandidatura ba Prezidente Republika, sei liu husi konferensia nasional, tanba nee husi munisipiu sira tenke ba hotu hodi deside hamutuk, no vota hamutuk hodi kandidatura nee bele manan iha eleisaun prezidensial neebe sei mai.

“Hau husu ba militante sira atu ita hamutuk hodi hakotu tiha krize ida nee, karik agora ita la hakotu krize nee mak problema nasaun ida nee nian sei la rezolve iha tinan 10 mai, tanba nee ita hamutuk hodi fo votus neebe barak ba partidu ida nee, hodi rezolve povu nia halerik,” katak nia.

Iha konsolidasaun Partidu CNRT nee, simu mos ema 400 resin husi partidu seluk neebe afilia ba Partidu CNRT, tanba CNRT mak bele rezolve povu nia problema iha  baze.

Konsolidasaun nee organiza husi estrutura organizasaun juventude, hodi hametin prinsipiu  no valor Partidu CNRT iha baze.*

Reportajen: Madalena Horta

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...