CNRT Konkorda Ho Deklarasaun Bankada FRETILIN, Molok Implementa KO

DILI, STLNEWS.co CNRT konkorda ho deklarasaun politika husi Bankada FRETILIN  katak, estadu atu deklara fali konfinamentu obrigatoriu total, tenke haree nesesidade bazika ba populasaun sira neebe presiza.

“Neebee hau konkorda ho deklarasaun politika husi Bankada FRETILIN nia  katak, bainhira governu i estadu dekreta fali konfinamentu obrigatoriu total, no sulan povu toba deit iha uma, povu sira toba, maibe sira mos presiza aihan para hodi sustenta sira nia moris,” lia hirak nee hato’o husi Xefe Bankada CNRT, Duarte Nunes dehan ba jornalista sira iha PN, Kuarta (25/08/2021).

Nia dehan, lae sulan tiha povu iha uma depois la fo han bainhira ba fali haree nee povu sira mate hotu ona, nee mate ba Covid-19 ka hamlaha problema nee simples.

Haruka povu toba depois hahan laiha nee estadu tenki buka hahan fo han ba sira, lae hahan laiha oinsa mak sira moris.

Nunee mos Deputadu Bankada FRETILIN, Fransisco Miranda dehan, karik governu dekreta konfinamentu obrigatoriu iha kapital Dili no iha munisipiu sira iha fronteira hodi kombate propagasaun variante foun.

Nia akresenta, presiza halo uluk avizu ba populasaun sira hodi prepara sira nia an, no mos governu presiza prepara kondisaun lojistika ruma molok dekreta konfinamentu obrigatoriu.

“Ita nia populasaun baruk ona no kolen ona ho situasaun ida nee,” tenik nia.*

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: