CNRT Konsidera Aktu PNTL Kulpa Governu

DILI, STLNEWS.co – Vise Bankada CNRT, Patrocino Fernandes hatete hanesan reprezentante povu, inklui ema hotu-hotu kondena aktus atuasaun neebe brutalismu oknum PNTL halo iha dalan ka iha fatin-fatin, tanba nee kulpa governu nian.

“Ema hotu kondena inkluindu hau la aseita ho atuasaun sira hanesan nee, maibe ita koko atu haree klean i hau la fo kulpa tomak ba polisia, maibe nee kulpa responsablidade governu nian,” dehan nia ba jornalista sira iha PN, Tersa (25/05/2021).

Nia afirma, polisia iha governu ninia tutela, governu maka orgaun administrativa no orgaun ezekutivu neebe halo jestaun ba ema hotu, no iha ministeriu ida propriu ba polisia rasik.

“Ita haree dalaruma nuudar umanu polisia sira mos bele sente kolen, ho situasaun sira hanesan governu altera sira nia regras sira lori semana no lori loron muda ba mai polisia sira ita bele hanoin katak, hahu husi fulan Marsu 2020 mai too ohin loron kuandu ita aplika EE polisia sira moris iha dalan estrada deit,” tenik nia.

Nia akresenta, ate agora sira reklama nafatin katak, sira bele servisu nafatin iha postu sira maibe sira nia subsidiu ida ba frontline, no ba sira nia ransu dalaruma fulan ida iha depois fula tuir fali mai laiha.

Asistensia neebe governu fo nee la enkoraja i la motiva no la trata sira ho dignu, para atu halao sira nia servisu ho diak.

Sasan sira neebe dehan nee laos rajaun para sira bele halo atuasaun krime ba povu hanesan nee, maibe kulpa nee laos sira nia deit.

Governu maka tenke simu responsabilidade ida nee, tanba sa maka membru polisia ida hanesan atu fo seguransa ba povu, fila baku fali sira nia povu nee tanba saida.

“Ami husu, governu tenke halo reflesaun, hodi husu ba sira nia aan tanba sa maka ida nee akontese,” dehan nia.

Iha fatin hanesan Xefe Bankada FRETILIN, Francisco Miranda Branco, hatete, aktu PNTL nee laos governu nian, tanba politika governu laos ida nee.

”Hau hanoin tenke hases tiha husi individu ho instituisaun ida nee, prinsipiu ida ita tenke koloka no ita la bele kahur sasan,” dehan nia.

Nia dehan, polisia foin tinan 20 maibe hetan fiar ona husi komunidade internasional, partisipa birokrasaun paz iha Afrika nee konsiderasaun tenke sente orgullu.

Agora se nia individu 1 ka 2 nia halo, labele hafoer instituisaun tomak, hanesan sidadaun patriota TL ita tenke tau instituisaun iha nia fatin rasik.

“Hau privadu, instituisaun sira hanesan nee tenke rekruta mos elementus ema neebe filmajen psikolojia para halo akompaniamentu, atu nunee psikologu presiza halo akompaniamentu, tanba ita tenke komprende iha situasaun SS no konfinamentu sira servisu nafatin, sira mos kolen,” Branco salienta.*

Reportajen: Domingas Soares/ Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: