CNRT: La Justu Halo Festa Iha Povu Nia Terus

DILI, STLNEWS.co – Reprezentante povu iha uma fukun Parlamentu Nasional (PN) liu husi Xefe Bankada CNRT, Deputadu Duarte Nunes hatete, la justu governu halo festa iha povu nia terus, tanba ema barak sei hela iha lona okos.

Relasiona ho governu liu husi Ministeriu Administrasaun Estatal (MAE), preve osan rihun US$ 400 hodi komemora loron 28 Novembru neebe sei realiza iha Munisipiu Baucau.

Tuir Xefe Bankada CNRT, Duarte Nunes hatete, komemorasaun loron 20 Novembru nee importante no loron espesial neebe ke povu tomak tenke hatene ninia signifikadu.

“Depois ita halo gastu ida neebe ita bele dehan, festa nee importante, mais la presiza mewah – mewah, ita gasta osan para ba fo han deit ema, situasaun nee fo hanoin mai ita hotu katak, ita iha situasaun ida lalika hanoin ona festa, pudia sakrifika festa sira nee bele halo oituan-oituan ba munispiu, ita hotu fo komemora situasaun nee. Maibe ita realoka osan ba ema sira neebe agora presiza tebes, tempu udan balun sei hela iha lona okos, neebe hau hanoin la justu, ita halo festa iha povu nia terus, ita nia hanoin iha neebe,” dehan nia ba STL iha PN, Tersa (23/11/2021).

Iha fatin hanesan, Xefe Bankada KHUNTO, Deputada Olinda Guterres hatete, governu preve osan ho montante rihun US$ 400 hodi komemora loron 28 Novembru neebe sei halao iha Minisipiu Baucau.

“Ema hotu sei ba iha neeba, i povu sei haree ho matan ho osan rihun US$ 400 nee hodi atu halo saida, hau lori povu nia naran i hanesan mos reprezentante povu sente duvida,” dehan nia.

(dom)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...