CNRT Lamenta Komunidade Dada Mesak Ahi, Ikus Governu Monta Prepagu

DILI, STLNEWS.co – Deputada husi Bankada CNRT lamenta, tanba komunidade husi Aldeia Tabere neebe partense iha Postu Administrativu Kelikai, Munisipiu Baukau, hola mesak fiu dada ahi eletrisidade ho au, ikus governu ba monta prepagu deit.

Kestaun nee hatoo husi Deputada, Veneranda Lemos husi Bankada CNRT liu husi intervensaun iha Plenaria, Tersa nee (26/04/2022).

“Liu husi intervensaun nee, hakarak hatoo informasaun konaba EDTL,EP iha Postu Administrativu Kelekai, iha aldeia ida naran Tabere, komunidade sosa fiu eletrisidade ho TP SR hodi hatama enerjia eletrisidade ba sira nia uma ba aldeia nee rasik, la iha fasilidade husi EDTL hanesan rin eletrisidade nia, mais komunidade sosa fiu rasik sira tesi au no ai hodi tongka fiu eletrisidade sira nee ba sira nia aldeia, maibe komunidade hatama hotu ona eletrisidade foin governu lori prepagu ba monta, nee kestiona tebes hanesan empreza publiku,” dehan deputada nee.

Nia hatete, komunidade rasik buka rasik ahi eletrsidade ba sira nia fatin, ikus governu ba aproveita deit hodi monta prepagu, nee engrasadu tanba empreza publika nia servisu mak saida.

Nia hatutan, nia sei halo auditoria tuir dekretu lei kriasaun ba empreza publiku ba EDTL,EP atu bele haree rendimentu hira no hira mak sira dada ahi ba komunidade, purke uluk hatete dada ahi nee dada duni, tanba populasaun senti, agora legalita, maibe la dada kuaze ukun tinan 4 ona.

Hatan ba kestaun nee, Prezidente Parlamentu Nasional, Aniceto Guterres hatete, ministru ou nia reprezentante la iha, maibe nia teknika rejista hela preokupasaun hotu neebe deputada sira hatoo iha plenaria nee, depois mak sei responde.

(eme)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...