CNRT: Lalojika Atuasaun PNTL Halo Ba Traballador Raut Lixu

Deputada Bankada CNRT, Maria Rosa da Câmara “Bisoi". (Foto: Espesial)

DILI, STLNEWS.co – Deputada Bankada CNRT, Maria Rosa da Câmara “Bisoi,” hatete, lalojika bainhira haree atuasaun neebe membru PNTL halo ba traballador raut lixu iha sidade Dili.

Nia dehan, atuasaun neebe ohin dader Polisia halo ba saniamentu sira, liu-liu ba sira neebe rekolla lisu neebe viral iha midia sosial.

“Ita haree katak, lalojika bainhira Polisia nia atuasaun ba ema neebe traballador kiik, sira nee foti sampah ka foer sira neebe iha Dili laran lori sai hodi ba tau iha ninia fatin, hodi labele afeita ba saude, ita halo prevensaun liu ba Covid-19 maibe, ita la prevene ba moras dengue,” dehan nia ba jornalsita sira iha PN, Kuarta (10/03/2021).

Deputada nee hatutan, moras dengue nee mai husi lixu sira neebe iha, entaun sira neebe foti lixu iha diretu tomak fo sira nia servisu, neebe iha sampah tuir loloos ita labele impede sira tenke halo duni sira nia servisu.

“Ita dehan katak serka sanitaria iha Dili kuandu ema nee liu regras, neebe maka implementador sira halo, nia tenke ba iha fatin kuarentena, maibe ema neebe halo servisu iha lixu nia labele ba iha kuarentena tanba lixu nee livre para lori sai,” tenik nia.

Nia afirma, sei dehan lixu mos la sai no ema mos la sai, tenke anunsia lai buat ruma ba sira atu nunee sira bele hatene.

“Hau hantene muito bem katak, kompania sira neebe rekollamentu lixu nee sira fo loron ka oras neebe determina, hanesan loron ida sira tenke tula lixu dala-rua ou dala-tolu entaun sira tenke kumpri,” nia hatete.

Iha fatin hanesan Deputadu Joaquim dos Santos, hatete seksaun seguransa presiza iha koordenasaun diak ho intidades sira balu, relasiona ho servisu publiku, para labele akontese kazu hanesan nee. Tuir fali zona Tasi-tolu nee, zona serka sanitaria neebe tuir lei estadu emerjensia zona serka sanitaria nee ema labele tama no sai.

Reportajen: Domingas Soares/ Guilhermina Franco
Editor: Ekipa STL

LEAVE A REPLY

Please enter your comment!
Please enter your name here