CNRT Lamenta PN Aprova Orsamentu Boot, Povu Nafatin Hela Lona Okos

DILI, STLNEWS.co – Reprezentante povu iha uma fukun Parlamentu Nasional (PN), Bankada CNRT lamenta ho orsamentu neebe PN aprova ho montante boot, maibe vitima dezastre naturais loron 4 fulan Abril sei nafatin hela iha lona okos.

Tuir Vise Bankada CNRT, Deputadu Patrocino Fernandes dehan, kapasidade husi ezekusaun orsamentu governu da-8 ida agora sira laiha duni, tanba agora iha ona fim de Setembru besik ona atu tama fulan Outubru, no tuir rejimentu PN iha loron 15 fulan Outubru, governu tenke submente ona Orsamentu Jeral Estadu (OJE) mai iha PN para lao tuir nia prosesu sira.

“Maibe la mentavel tebes orsamentu tinan 2 nian, liu – liu iha tinan 2020 ho 2021 neebe boot tebes tau hamutuk iha billaun US$ 3.5, neebe governu mai ho nia diskursu no mehi neebe furak – furak atu hadia povu nia moris, maibe ita triste, tanba to’o ohin loron vitima sira ba dezastre naturais iha loron 4 fulan Abril lubuk ida iha Manleu sei hela iha lona okos,” dehan nia ba jornalista sira iha PN, Sesta nee (17/09/2021).

Nia hatete, husi akontesimentu dezastre naturais, liu tiha ida nee semana ida governu lori osan ratifikativu mai iha PN ho razaun katak, asidente loron 4 fulan Abril nee la preve iha OJE, neebe ho nia montante millaun US$ 1.9 hodi lori fali orsamentu ratifikativu mai iha nasional katak, hodi tau konsiderasaun ba ida nee.

Nia hatutan, maske PN aprova ona orsamentu neebe boot tebes – tebes, maibe to’o ohin loron vitima sira sei hela iha lona okos, no ita nunka hetan informasaun husi governu atu fo iha PN Katak, rezolve ona dezastre naturais iha loron 4 fulan Abril nian, ho persentajen hira ho orsamentu boot neebe aprova ona.*

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...