CNRT Preokupa Covid-19 Impede Loron Konsulta Popular, Maibe Festa Kontinua Lao

DILI, STLNEWS.co – Deputada Bankada CNRT, Veneranda Lemos preokupa ho loron konsulta popular neebe labele selebra tanba situasaun Covid-19, maibe festa kontinua lao.

Nia dehan, hakarak hato’o kongratula no fo parabens ba povu Timor Leste ba loron ksolok konsulta popular ba dala 22. “Ita triste tanba labele komemora loron konsulta popular no loron neebe povu determina ninia moris rasik, tanba situasaun neebe la permiti, maibe triste mos iha parte balun halo preparasaun infeta meza ba bolu boot sira tur hamutuk han hemu, nee hau haree iha fotografia, nee halo hau triste loos,” dehan deputada nee liu plenaria iha Parlamentu Nasional, Tersa (31/08/2021).

Deputada nee kestiona tanba saida ema hotu – hotu labele komemora loron konsulta popular ida nee, maibe iha parte balun komemora loron ida nee ho han hemu.

Nunee mos Deputadu Bankada KHUNTO, Luis Roberto da Silva hatete, hanesan deputadu hakarak fo parabens ba povu tomak ba loron konsulta popular, neebe mak iha altura neeba maske ho situasaun difisil tebes, maibe povu hakotu ho lia ida katak atu hamosu rasik direitu universal ida  ba ema hotu nia direitu.

Maibe agora dadaun iha Dili Konfinamentu Obrigatoriu (KO) no Serka Sanitaria (SS) iha munisipiu balun neebe labele fo liberdade ba sira para komemora loron espesial ida nee, tanba hotu – hotu antisipa ba Covid-19.

“Hau fiar katak altura neeba ita mate barak ona, ita lakohi mate tan nafatin, tanba Covid-19, maske ita la halo komemorasaun loron 30 fulan aAostu, maibe ita fo orasaun ba malu para bele hadia ita nia dezenvolvimentu ba futuru,” tenik nia.

Nia afirma, loron konsulta popular ida nee importante liu, maibe situasaun hanesan nee bele izola iha uma, maibe nafatin halo reflesaun no orasaun hodi hanoin hikas fali tempu pasadu hanesan loron 30 fulan Agostu.*

Reportajen: Natalia Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: