Covid-19 CPNTL Realiza Eventu Semana Desportivas

Surtu Covid-19 neebe seidauk remata iha mundu, halo Comite Paralimpico Nasional Timor Leste (CPNTL), la konsege realiza eventu semana desportivas ba too iha munisipiu, maibe rezaliza deit iha Dili. (Foto: STL/Maria Tavares)

DILI, STLNEWS.co – Surtu Covid-19 neebe seidauk remata iha mundu, halo Comite Paralimpico Nasional Timor Leste (CPNTL), la konsege realiza eventu semana desportivas ba too iha munisipiu, maibe rezaliza deit iha Dili.

Prezidente CPNTL, Izabel Ferreira hatete, eventu ida nee bolu dehan semana desportiva, hodi komemora loron juventude no mos loron 28 Novembru no loron difisiente sira nian iha loron 3 fulan Dezembru.

Nia hatutan eventu ida desportiva atu haree mos modalidades neebe mak iha hanesan modalidade 12, maibe 10 mak partisipa iha eventu ida nee. Husi semana desportiva ida nee bele hare atleta para hodi identifika atleta sira neebe kee iha potensia atu partisipa iha eventu internasional.

“Hau hanoin atelta sira nee mai husi munisipiu Dili deit, ita seidauk halo too munisipiu sira tanba tuir lolos programa planu CPNTL nian, tinan ida nee ita atu sai ba munispiu, para halo hanesan kampana sensebilizasaun para buka ona atleta foun, maibe tanba Covid 19 nee ita paradu,” tenik Prezidente CPNTL, Izabel ba jornalista sira, hafoin halo abertura ba ba kompetisaun semana desportivas ba atleta CPNTL, iha salaun Dom Bosco Comoro, Dili Tersa (24/11/2020).

Nia hatutan ba tinan oin bele halo desportu nee ba ema ho dificiente sira iha munispiu sira, CPNTL mos hanoin atu halo hanesan nee iha tinan oin para bele hetan atleta foun.

Iha fatin hanesan SEJD, Abrão Saldanha hatete partisipa iha eventu semana desportiva inkluzivu neebe mak organiza husi CPNTL, atu komemora loron 12 Novembru, 28 Novembru no loron nasional ba ema ho difisiensia neebe mak sei lori modalidade hamutuk 10, husi federasaun sira neebe halibur aan iha CPNTL neebe iha semana ida nee nia laran sei halo kompetisaun para atu hatudu sira nia talentu rasik.*

Reportajen: Maria Tavares
Editora: Carme Ximenes

LEAVE A REPLY

Please enter your comment!
Please enter your name here