Covid-19 Emprezariu Rihun 1 Resin Utiliza Elektronika

DILI, STLNEWS.co – Durante Estadu Emerjensia (EE), Konfinamentu Obrigatoriu (KO) no Serka Sanitaria (SS) halo Servisu Rejistu Verifikasaun Emprezarial (SERVE) labele fo atendimentu direta ba kliente sira, maibe SERVE atende kliente liu husi sistema online, tanba nee emprezariu rihun ida resin utiliza ona sasan elektronika.

“Durante Covid-19 ami halo atendimentu direta ba kliente sira, maibe atendimentu liu husi sistema online no Email neebe SERVE estabelese ona nee iha 10 resin, nee atu fo atendimentu, no Email nee ita fasilita dezde tinan kotuk nee, maibe ema neebe asesu hahu husi ema nain 10 to’o 100 deit, maibe tinan ida nee mudansa boot, ema neebe asesu nee rihun ida resin, signika emprezariu sira halo mudansa atu utiliza sasan elektronika,” kestaun nee fo sai husi Diretur Ezekutivu SERVE, I.P Florencio Sanches ba STL Sesta nee (10/09/2021) iha nia knaar fatin Hudi Laran.

Nia afirma liu tan, liga ho pandemia surtu Covid-19, tanba nee iha Timor Leste estabelese hela deit EE, SS, no KO, atu ema hotu hakmatek iha uma, maibe funsionariu SERVE la feriadu, sira nafatin tama hodi fo atendimentu online ba kliente sira neebe hatama pedidu mai SERVE liu husi Email neebe SERVE fasilita.

Iha fatin hanesan Lucio Bareto (Emprezariu) hatutan, durante numeru Covid-19 sae makaas iha rai laran, SERVE hola nia pozisaun ida katak, sira nafatin halo atendimentu ba kliente sira neebe atu trata dukumentus, sira la atende direta, maibe liu husi sistema online, meus ida nee motiva empreza sira halo mudansa, katak sai emprezariu tenke utiliza sasan eletronika, tanba agora nee buat hotu cangih.

“Hau hanoin atendimentu online nee diak, bele fasilita maluk emprezariu sira neebe hela iha Munisipiu, sira la presiza ho transporte husi munisipiu mai trata dukumentus iha SERVE nasional, maibe sira bele utiliza elektronika, ou liu husi telefone bele email ba SERVE, atu trata renova dukumentus ka atu trata foun, buat hotu hein liu husi email, ida nee fasilita tebes setor privadu iha situasaun pandemia nee,” dehan setor privadu nee.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: