Covid-19 Impede Rekrutamentu AP

DILI, STLNEWS.co – Ministru Administrasaun Estatal (MAE) Miguel Perreira de Carvalho informa, situasaun serka sanitaria no konfinamentu domisiliariu neebe dadaun nee implementa iha munisipiu sira, impede hotu prosesu rekrutamentu ba Administrador Postu (AP) sira iha teritoriu laran, nunee wainhira situasaun normal mak bele hahu hikas.

“Iha tinan nee rekrutamentu ba Postu Administrativu sira iha teritoriu laran labele kontinua, tanba serka sanitaria no konfinamentu domisiliariu neebe dadaun nee implementa la permite para komisaun funsaun publika labele realiza prova sira hanesan eskrita nomos intrevista para halo selesaun ba kandidatura sira nee,” dehan MAE Miguel Perreira de Carvalho hafoin remata enkontru ho Primeiru Ministru (PM) Taur Matan Ruak iha rezidensia Xefe Governu Farol, Tersa (04/05/2021).

Nia dehan, iha fulan Dezembru tinan kotuk komisaun rekrutamentu hahu ona halo rekrutamentu ba Administrador Postu hamutuk 24, maibe agora labele kontinua tanba ho situasaun emerjensia, serka sanitaria, no konfinamentu domisiliariu nee.

Enkuantu konaba rekrutamentu ba Administrador Munisipiu no Prezidente Autoridade Munisipiu neebe antes halo ona rekrutamentu ba sira dadaun nee konklui ona iha Munisipiu Dili, Bobonaro, Ermera, Liquiça nomos Manatuto.

Tanba nee Konsellu Konsultivu Munisipal lima sira reuniaun ona hodi fo sira nia opiniaun ba kandidatura sira nee, hafoin hotu Ministeriu Administrasaun Estatal sei lori ba Konsellu Ministru hodi halo nomeisaun tuir rezolusaun governu nia, para bele nomeia kandidatu Administrador no Prezidente Autoridade Munisipiu sira nee.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: