Covid-19 La Fo Impaktu EPR, Bainhira Fiar An

DILI, STLNEWS.co – Covid-19 sei la fo impaktu ba Eleisaun Prezidensial Republika (EPR) neebe mak sei realiza iha tinan oin, bainhira fiar an no fiar ba sistema neebe mak iha.

Kestaun nee hato’o husi Padre Martinho Gusmao ba STL liu husi telefone Sesta (10/09/2021) hatete, konaba numeru kazu Covid-19 neebe mak kada loron aumenta sei la fo mos impaktu ba iha EPR neebe mak sei mai, se bainhira fiar an no fiar sistema neebe mak iha.

“La fo impaktu bainhira ita fiar an no fiar sistema neebe ita harii ona. Ita nia problema boot liu mak sira be kaer ukun ka detentor do poder nee la fiar povu, no la foti forsa interior husi povu atu bele reziste hasoru anin no laloran moris. Iha tempu hanesan, ukun nain sira la hetan dalan atu sira sai husi susar laran, nunee sira rasik la hatene atu lori estadu nee ba neebe,” dehan padre.

Padre hatete, tuir nia hanoin governu la halo ona konfinamentu ka serku ba povu. Ida nee hatudu katak governu la haree hetan ona aumentu.

Nia hatutan, se karik estadu mak kansela EPR mak sei fo impaktu ba mundu no ema sei hamnasa katak tauk.

Nia mos husu governu liu husi Comisaun Nasional Eleisoens (CNE – sigla portugues) no Servisu Tekniku Administrasaun Eleitoral (STAE) nunee bele aloka fundus tuir lei eleitoral neebe mak iha, konaba prosesu eleitoral nia.

Nunee mos Jurista Avelino Coelho hatutan, labele uza Covid-19 hodi hapara EPR neebe mak sei realiza iha tinan oin, se kuandu laiha espekulasaun no tuir Konstituisaun Republika Demokratika de Timor Leste (K-RDTL), eleisaun tenke realiza tuir kalendariu eleitoral nia.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: