Covid-19 Sai Instrumentu Politiku

Vise Reitor III Universidade Dili (UNDIL), Hugo Lourenco da Costa konsidera surtu Covid-19 neebe espalla iha Timor Leste, sai instrumentu ba politiku sira manipula povu. (Foto: Espesial)

DILI, STLNEWS.co – Vise Reitor III Universidade Dili (UNDIL), Hugo Lourenco da Costa konsidera surtu Covid-19 neebe espalla iha Timor Leste, sai instrumentu ba politiku sira manipula povu.

“Hau dehan katak Covid-19 nee buatus no sai hanesan instrumentu ba politiku sira, atu manipula informasaun hodi inventa no lohi povu,” dehan Hugo ba STL, liu husi telefone, Kuarta (31/03/2021).

Nia hatutan, faktus katak se karik Covid-19 iha Timor iha ema mate mohu ona, tanba nee lalika manipula no halo sofre povu no sakrifika RDTL.

Governu taka ona fronteira katak, taka Covid-19 mai Timor nee mak los, maibe dehan transmisaun lokal nee ita esplora ona ignoransia politika povu ida nee.

“Tanba sira hahu bisnis ona hodi naok osan governu, ita bele hare husi dadus neebe viral husi ema sira neebe mak fo sasin, neebe mak viral nee faktus real katak mosu manipulasaun,” nia tenik.*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here