Covid Aumenta, Movimentu Rame

DILI, STLNEWS.co – Prezidente Parlamentu Nasional (PPN) Aniceto Guterres, preokupa Timor Leste (TL) kada loron numeru Covid-19 aumenta, maibe movimentu publiku rame, tanba nee PPN husu sidadaun hotu atu kumpre regras hodi prevene transmisaun nee.

Informa Prezidente Parlamentu Nasional (PPN), Aniceto Longuinhos Guterres Lopes liu husi konferensia imprensa, Sesta (14/05/2021) iha gabinete Parlamentu Nasional.

Nia hatete, povu iha Timor laran tomak, loke fuan ba, iha mundu tomak preokupa, satan estadu Timor-Leste, pandemia Covid-19 neebe nia impaktu afeta tebes ba saude publika, ba ita hotu-hotu nia moris, vida sosial, ekonomika no funsionamentu orgaun estadu nian. Ema bar-barak satan la sente katak, la presiza too tinan hodi hakotu Covid-19, maibe ho disiplina, kumpre regras, konsiensia, no kooperasaun diak, pandemia Covid-19 remata iha TL.

“Timor Leste agora hasoru dadaun Covid-19 neebe namkari iha munisipiu hot-hotu, liu-liu iha Munisipiu Dili, ho numeru sidadaun neebe infetadu aumenta loron ba loron, rezulta iha ema mate dadaun no halo Dili sai episentru ba pandemia Covid-19. Iha tempu hanesan movimentu iha fatin publiku sira rame hela, no ladun halo tuir, regras prevensaun no mitigasaun Covid-19 neebe lori risku no kontribui ba hadaet virus nee,” dehan Aniceto.

Nia hatete, rai sira hanesan India, neebe sofre makas moras nee tanba la kumpre regras Covid-19, la fiar katak moras nee iha duni, la halo tuir regras saude publika nian sira, uza razaun oi-oin hodi justifika hahalok sira neebe lori risku ba saude individu no ba saude publika.

“Dezastre natural neebe ita hasoru iha 4 Abril liu ba, lori tan todan boot ida mai ita no halo sidadaun balu la kumpre di-diak regras prevensaun no mitigasaun Covid-19. Situasaun ida nee bele kontribui ba hadaet tan moras neebe ameasa ita hotu nia moris”, tenik PPN.

Nia husu atu hotu-hotu, hamutuk kontribui ba buka solusaun, kumpre regras saude nian ba prevensaun no mitigasaun Covid-19, simu vasina, hodi aumenta imunidade hasoru Covid-19, kuidadu aan no kuidadu ema seluk atu labele infetadu ho moras ida nee. Tanba ema rihun ba rihun iha nasaun barak, foti medidas neebe hanesan hodi salva sidadaun sira no salva nasaun. *

Reportajen: Guilhermina Franco/Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: