Covid Implika Reseita Ba Estadu

Diretor Diresaun Nasional de Indentifikasaun Sivil no Rejistu Kriminal, Victor da Costa Neto. (Foto: STL/Terezinha de Deus)

DILI, STLNEWS.co – Relasiona ho Covid-19 halo ema barak la dun viajem ba mai, ho nunee implika ba reseitas neebe Diresaun Nasional de Indentifikasaun Sivil no Rejistu Kriminal hetan, hodi hatama ba estadu.

Tuir Diretor Diresaun Nasional de Indentifikasaun Sivil no Rejistu Kriminal, Victor da Costa Neto katak, durante nee ho situasaun Corona virus, husi diresaun nasional de indentifikasaun sivil, no rejistu kriminal kontinua halao sira nia knar no atendementu.

Nia hatutan, desde Estadu Emerjensia primeru Prizidente Republika dekreta, sira kontinua halao serbisu tanba rajaun urjensia, ba maluk sira neebe moras, halo viajem serbisu ba estadu nian.

Maibe atendementu la lao normal, tanba aviaun komersiu sira neebe halao viajem tama mai la dun halao viajem normal no volume atendementu tun.

“Tinan ida nee ami atende iha janeiru to mai Dezembru nee, konta hamutuk ema neebe mai halo pasaporte nee 10557, ho passaporte komun, passaporte serbisu, passaporte diplomatiku no ema estranjeiriu,” dehan Victor ba STL iha nia knaar fatin, Kinta (03/12/2020).

Nia esplika, husi tinan 2020 nee, no taxa neebe hatama ba kofre estadu 640,975.00 kompara ho tinan anterior tun 60 porsento ka 70 porsento, tanba normalmente tinan anterior bele atinji to 1 milhão.

Nunee impaktu husi Corona virus nee, halo volume atendementu tun, la iha impaktu ho buat seluk, mas impaktu lolos mak viajem estranjeiru la lao, tanba corona virus.

Hatan konaba reseita neebe tun fo impaktu ba estadu ka lae, nia parte esplika sira nia reseita uitoan la barak ida, 1 milhão too 2 milhão nee kompara ho sira nia Ministeriu Teras no Prioridade, kuaze metade husi taxa neebe Ministeriu hatama ba estadu.

Maibe reseita husi insituisuan sira sempre diminui, tanba impaktu husi Covid-19, tanba nee espera estadu bele taka fali sira diminui nee, atu bele halo dezenvolvimentu ba rai ida nee.

Tuir dadus neebe iha katak, passaporte komun dili iha ema 9593 hatama taxa ba estadu 582,050.00. Passaporte komun Bobonaro nian ema 465 no hatama taxa ba estadu 25,050.00. Passaporte komun Oecuse ema 313 no taxa hatama ba estadu 18,700.00.

Nunee passaporte serbisu Dili ema 88 no taxa ba estadu 6,800.00. Passaporte serbisu Oecuse ema nain 3 no hatama taxa ba estadu 200.00.

Passaporte diplomata Dili ema 94 hatama taxa ba estadu 8,125.00.
Passaporte foreigner ema nain ida hatama taxa ba estadu 50.00.

Reportajen: Terezinha de Jesus
Editora: Carme Ximenes

LEAVE A REPLY

Please enter your comment!
Please enter your name here