CPD-RDTL Apoiu Kanpres Lugu Ba PR 2017-2022

Manufahi-Responsavel Consellu Popular da Defeza-Republika Demokratika Timor Leste (CPD-DRTL) foti ona desizaun hodi fo apoiu ba kandidatu independente numeru sorteiu 5, Jose Luis Guterres ba Prezidente Republika periodu 2017 too 2022.

Tuir Responsavel Consellu Popular da Defeza-Republika Demokratika Timor Leste (CPD-DRTL), Antonio Tomas Amaral da Costa alias Aitahan Matak deklara katak, hodi fo apoiu Lugu ba PR tanba nia iha kapasidade hodi lori povu noa nasaun nee ba dalan diak.

Hau hakarak fo apoiu total, lori organizasaun CPD-RDTL, 78 mil populasaun iha Timor hodi fo apoiu ba Lugu,” dehan Responsavel CPD-RDTL, Aitahan Matak ba jornalista sira iha Hotel Samelau, Munisipiu Manufahi, Sabadu (04/03/2017).

Aitahan Matak haktuir, razaun sira fo apoiu ba Lugu tanba nia (Lugu) kandidatu independente nudar fundador ASDT, FRETILIN no mos veteranu husi primeira jerasaun frente diplomatika nian neebe hahu, hatutan no hakotu. Aitahan Matak sublina, ho apoiu neebe mak fo ba Lugu bele hetan vitoria iha eleisaun prezidensial tanba primeiru apoiu ba Jose Ramos Horta nia manan iha eleisaun prezidensial no segunda apoiu ba Jose Maria de Vasconcelos alis Taur Matan Ruak manan tan iha eleisaun 2012.

Iha fatin hanesan Kandidatu Independente numeru sorteiu 5, Jose Luis Guterres “Lugu” esplika, hanesan kandidatu laran ksolok tebes-tebes ho ondra boot, wainhira apoiu husi veteranus Aitahan Matak no mos Ologari sira nia apoiu. Raimundo S. Fraga

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...