CVTL Halao Aniversariu Ba Dala 21

DILI, STLNEWS.co – Cruz Vermelha Timor-Leste (CVTL) ohin halao nia aniversariu Ba dala 21, ho tema “Hakman Sofrementus Humanu”, tanba nee CVTL kontinua ajuda ba familia mukit liu iha Dili laran nomos ba area rural.

Prezidente CVTL, Madalena F. M. Hanjam C. Soares ba jornalista sira liu husi nia deskursu wainhira CVTL komemora aniversariu iha CVTL, Tersa (22/06/2021), dehan tema neebe CVTL foti iha selebrasaun aniversariu nee maka “Hakman Sofrementus Humanu”, tuir knaar neebe durante nee CVTL halao ona.

“Ita haree ba CVTL nia tema, “Hakman Sofrementus Humanu,” konaba istoria Cruz Vermelha komesa hahu ona halo nia servisu iha konflitu iha funu, depois situasaun komesa avansa, ita tama too Indonezia nia tempu, Cruz Vermelha lao fila-fali ho Indonezia, depois too independensia harii ita nian rasik, mak agora 21 anos,” nia dehan.

Sira kontinua halao nafatin servisu hanesan humanitaria, liu-liu ba familia mukit liu, kuandu haree ba situasaun dezenvolvimentu neebe governu halao.

Nia esplika, CVTL mos halao atividade, konaba tau kaixa Cruz Vermelha nian iha fatin-fatin, atu nunee ema liu ba mai tenke tau 10 sentavos ba, no osan sira nee tau hamutuk fali hodi ajuda komunidade vulneravel.

Entretantu Espoza Prezidente Republika (PR), Cidalia Nobre Lopes Mouzinho Guterres hatoo parabens ba CVTL neebe halo ona nia aniversariu Ba dala 21, tanba sira mos esforsu halao aktividade barak iha area rural, ida nee ajuda teb-tebes ba mukit laek sira.

“Hau mai partisipa CVTL nia aniversariu Ba 21, hanesan ita hotu akompanha hatene katak, CVTL halo nian atividade barak, laos iha Dili, maibe too mos iha area rural sira,” nia esplika.

Espoza PR nee mos hatoo agradesementu boot tebes ba fundador Cruz Vermelha, neebe mak harii ona CVTL komesa husi inisiu too ohin loron, no estrutura sira inklui membru voluntariu sira hotu, no mos ba parseirus sira iha rai liur nomos iha rai laran.*

Reportajen: Jeniche da Costa
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: