Dadus Vitima Inundasaun 33.500 Iha Ona MAE

DILI, STLNEWS.co – Vise Ministru MAE, Lino de Jesus Torezao hatete, agora dadaun dadus ba vitima sira iha teritoriu Timor Leste hamutuk 33.500 iha ona Ministeriu Admnistrasaun Estatal (MAE), hodi halo hela levantamentu.

Nia dehan, dadus sira neebe mai husi fatin seluk laloos, tanba dadus sira nee Ministeriu Administrasaun Estatal mak halo levantamentu. Sira mos prepara formulariu ida iha nee, iha formulariu 1, 2, no 3 haruka xefe familia ida-idak prense mais ou menus nia uma nee aat ka aat oituan, ou aat total, depois familia hirak mak hetan afetadus no familia hirak nia uma mak afetadus total, depois familia hirak mak hela iha rai lolon, mota ibun, tasi ibun depois hetan afetadu.

“Neebe total dadus ba vitima sira neebe mak afetadu ba inundasaun iha Timor laran tomak nee hamutuk 33.500, depois ema neebe mak lakon nee 41, mate nee hamutuk 13 ,” tenik MAE Lino ba STL, iha edifisiu STAE, Caicoli,Dili Segunda (03/05/2021).

Governante nee hatutan, inundasaun ida nee bele hatete katak, ema sira neebe mak hela iha rai lolon no mota ninin deit mak afetadu liu, neebe halo ona levantamentu.

Ministeriu Admnistrasaun Estatal, kuandu halo relatoriu kompletu ona hatama tiha ba Konsellu Ministru, dadus neebe Ministeriu Admnistrasaun Estatal iha nee kanaliza fila fali ba Sekretariu Estadu Protesan Sivil, halo nusa mak nia atu haree fila fali, depois hamutuk fali ho Ministeriu Solidaridade Sosial no Inkluzaun oinsa atu atende ezijensia ba ema sira neebe mak afetadu ba inundasaun.*

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...

Familia La Simu Matebian LM Tara Aan Mesak, Teofilo: Hau Hein Rezultadu Investigasaun

DILI, STLNEWS co - Familia husi matebian Lebenita Madeira neebe deskonfia tara aan iha nia rezidensia Bebonuk nee sira la simu, tanba nee husu...

Rede Feto Triste, Feto Sai Vitima

DILI, STLNEWS.co - Rede Feto Timor Leste triste hodi asiste sitausaun realidade, neebe akontese halo feto sai vitima ba situasaun moris iha familia, liu...
%d bloggers like this: