DILI, STLNEWS.co – Relasiona ho selebrasaun Sesta feira santa iha tinan nee, sarani barak mak entuziasmu tebes hodi halao viasakra ka dalan ba krus neebe mak diferensa ho tinan kotuk, neebe mak la iha selebrasaun tanba moras Covid19, neebe mak afeta mundu tomak inklui Timor Leste.
Tuir sarani Domingos Soares katak, selebrasaun dalan ba kruz tinan nee diferensa tebes, tanba sarani barak mak partisipa iha via sakra nee.
“Ita hatene katak Timor Leste maioria relijiaun Katolika, tanba nee iha momentu ida ohin hanesan momentu neebe mak importante tebes, atu nunee ita sarani sira atu halao sakrifisiu liu husi dalan ba kruz hodi hanoin hikas ita Nai Jesus Kristu neebe mak terus too mate tanba ita ema nia sala,” tenik nia ba STL iha Kruz Boot Golgota Dili, Sesta nee (15/04/2022).
Entretantu, observasaun STL iha terenu katak, sarani barak inklui padre no madre sira mak halao via sakra, reza iha Kruz Boot Golgota Dili.
(mar)
