DDH Lamenta Aktu Indisiplinar Oknum PNTL Munisipiu Manufahi

DILI, STLNEWS.co – Relasiona ho aktu indisiplinar husi oknum PNTL Munisipiu Manufahi neebe oras nee viral iha sosial media, hodi halo provokasaun hasoru estudante sira iha Manufahi, Defensor Direitu Humanus lamenta tebes ho hahalok nee.

Lia hirak nee hatoo husi Defensor Direitus Hamanu (DDH), Novelino Dos Santos katak, primeiru atu hateten katak ita lamenta tebes ho hahalok indisiplinar neebe hatudu husi oknum PNTL Munisipiu Manufahi neebe mak halo provokasaun hasoru estudante sira iha fatin karantina.

“PNTL mak ajente defensoria ba direitos humanus, lolos PNTL mak tenki proteje para atu hetan mediasaun neebe mak diak, dalaruma oknum PNTL nee konsiente liu katak nia asaun brutal nee mak solusaun ba negosiasaun, maibe ami nia haree katak nee sala. Nee hanesan asaun provokativu, premanismu no lori ema nia kakutak atu orienta ba konflitu no desobidensia ba regras,” dehan Novelino ba STL Liu husi telefone, Sabadu (17/04/2021).

Nia dehan, loloos hanesan PNTL nee ajente do estado nunee tenki hatudu maturidade ida neebe diak hodi bele fo satisfasaun ba komunidade, liu liu estudante sira iha fatin izolamentu.

“Se mekanismu aproximasaun neebe ho karakter brutalismu hanesan ita hotu haree iha fotografia nee loloos lamerese, no ida nee hahalok violasaun direitus humanus, tamba nee ita lamenta tebes,” tenik nia.

Ho aktu PNTL Munisipiu Manufahi nee, DDH husu ba Komandu Jeral atu bele notifika oknum PNTL refere hodi submete ba prosesu investigasaun.

Aleinde nee iha parte seluk, DDH mos observa katak lideransa primeiru homem iha Munisipiu Manufahi, hanesan Prezidente Autoridade nia mekanismu aproximasaun ho espresaun neebe nia hatoo ba kolega estudante sira ho intonasaun neebe mais alta, ida nee sala i laloos, tanba ladun kontribui atu hetan solusaun.

Tanba lolos nee hanesan Prezidente Autoridade tenki iha stratejia ida neebe mais efetivu hodi bele konvense kolega estudante sira.

“Ita haree, kolega estudante nee koalia katak nia la fiar Covid-19, loloos tenki buka atu hatene, tanba sa mak estudante refere lakon konfiansa publiku sobre inimigu invisivel nia prezensa refere, tanba nee tenki buka hatene kauza nee husi saida, mekanismu sensibilizasaun mak la efetivu ka oinsa?”

Nia akresenta, mais pior liu tan mak Prezidente Autoridade ba orienta estudante sira atu kumpre regras protokolu, maibe iha faktu Prezidente Autoridade rasik viola hela regras protokolu (lauza maskra).

“Nee atu halo komparasaun wainhira iha sarani ida halo tuir maromak nia ukun fuan, maibe nia rasik mos la hatene oinsa atu halo tuir maromak nia ukun fuan. Nee sentidu katak nia atu proteje nia povu, maibe naturalmente no sentidu nia la pratika atu sai ezemplar ba nia sidadaun nee rasik, ida nee mak problema,” hatete nia.

Tanba wainhira konsiente katak Covid-19 nee problema, maibe nia rasik la obedese ba regras protokolu, nee sentidu katak nia la fo espasu atu povu nee kumpri regras, no nia hadok tan povu nia konfiansa nee atu obedese ba regras protokolu neebe iha ona.

Nia haktuir, konaba virus Covid-19 nee kestoens diagnosa doutor sira nian, por siensia sientifikamente tamba nee sira la iha komentariu to ba parte mediku sira nia servisu.

“Ita fo fiar nafatin ba mediku sira, ita fo konfiansa maximu ba kapasidade nediku sira nian, hodi luta nafatin atu kombate moras nee,” hakotu nia.*

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: