Defensor Atende Prosesu Urjente

Defensor Publiku Jeral Cancio Xavie. (Foto: STL/Terezinha De Deus)

DILI, STLNEWS.co – Durante serka sanitaria defensor publiku halao servisu turnu, hodi atende deit kazu urjensia.

“Servisu defensor nian durante serka sanitaria no konfinamentu obrigatoriu nee ami halao servisu turnu, antes nee iha dia 8 hau halo ona instrusaun refleta ba servisu urjensia deit, servisu babain la halo,” dehan Defensor Publiku Jeral Cancio Xavier ba STL, Tersa (23/03/2021).

Nia hatutan, agora iha transmisaun lokal, tanba nee presiza ho kuidadu. Maibe iha julgamentu urjensia despaisu husi tribunal rekursu, nomos Ministeriu Justisa nia despaisu ministerial hateten, tau iha instrusaun defensoria nian, nuudar responsabel masimu, tanba nee tau iha instrusaun ofisial no defensor sira halao serbisu turnu.

Nunee atu asegura servisu urjensia hanesan, kazu primera interogatoriu, sumariu, no kazu kontinuasaun arguidu prezu, maibe la halo atendementu publiku hanesan antes nee dekreta estadu emerjensia nee.*

Reportajen: Terezinha De Deus
Editor: Domingas Gomes

LEAVE A REPLY

Please enter your comment!
Please enter your name here