Defisiente Iha Talentu Ba Area Desportu

DILI, STLNEWS.co – Durante nee maluk defisientes sempre iha talentu ba area desportu, tanba husu ba sosiadade labele halo diskriminasaun ba sira.

Lucio Marques Nunes, hanesan defisiente hatete, maski ho kondisaun defisiente sira sempre iha talentu ba area desportu, tantu volley, basket no seluk tan, maibe husu ba nai ulun sira atu bele apoiu nafatin ema ho defisiente neebe iha talentu neebe diak, tanba atu partisipa iha area hirak nee depende ba ema ida-idak nian vontade.

“Hau hanoin hanesan ita boot sira hatene katak, durante nee ba area desportu nian, ami nian maluk sira barak mak iha talentu diak ba area desportu, maibe ita mos husu ba ita nian sosiedade sira atu labele halo diskriminasaun mai ami. Ita iha talentu oi-oin, dala ruma ita mos iha talentu diak ba arte ninia, neebe hau hanoin ita nian talentu laos ba oin ida deit, maibe ita ida-idak sempre iha talentu, oinsa mak ita atu promove aan nafatin ba area neebe mak ita nian talentu,” dehan Lucio ba STL, hafoin sosa sasan iha loja Audian, Dili, Kinta (18/03/2021).

Nia akresenta, maluk defisiente sira sempre iha talentu neebe mak la hanesan, tanba balun iha talentu ba desportu, muzika, arte no seluk tan, ema ida-idak ho nian talentu, maibe area desportu mos hanesan area ida neebe mak importante atu bele dezenvolve diak liu tan ba oin.

“Dala barak hau sempre fo hanoin ba hau nian maluk sira katak, ita nafatin iha vontade ida oinsa atu dezenvolve nafatin ita nian talentu neebe mak ita iha ona, ita labele rai ou subar deit, maibe oinsa fahe fali ba ita nian maluk sira, para ita dezenvolve nafatin area ida nee. Hau hanoin ida nee hau sempre fo hanoin nafatin maluk sira,” nia dehan.

Iha parte seluk, Leopoldino Correia Mesquita, hanesan responsabel halo arte iha AHISAUN dehan, maski kondisaun mak defisiente, maibe sira ida-idak sempre iha talentu neebe diferente, iha nee balun halo arte, balun halo bazu aifunan no balun partisipa iha area desportu nian, nee hanesan meius ida neebe mak atu aumenta liu ita sira ida-idak nian koinesementu neebe sira iha.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: