Deklarasaun PM Ho Membru Governu Diferente

DILI, STLNEWS.co – Reprezentante povu iha uma fukun Parlamentu Nasional (PN), Xefe Bankada KHUNTO Olinda Guterres, rekonese povu agora la fiar governu da-8, tanba ho deklarasaun husi Xefe Governu ho membru governu sira neebe diferente, relasiona ho ema simu vasina dala rua labele halo movimentu.

Tuir Xefe Bankada KHUNTO, Olinda Guterres, dehan konfuzaun nee agora iha, tanba PM ho membru governu la kopera malu, hodi halo povu nia leet sai rungu – ranga atu fiar loos ida neebe.

“Agora dadaun povu la fiar ita, povu atu fiar ita oinsa. PM dehan vasina dala rua bele lao, maibe iha fali Ministeriu Saude (MS) ho membru governu nia dehan lae, nee halo konfuzaun ba povu,” dehan nia ba jornalista sira iha PN, Kuarta nee (01/09/2021).

Nia dehan, tanba nee nuudar Xefe Bankada KHUNTO, dala ida tan husu ba MS tenke tuun ba baze hodi halo sosializasaun, atu nunee labele halo paniku beibeik povu, liu – liu agora virus variante Delta iha tan bele halo paniku liu povu.

Nia afirma, tuir lolos la sai hanesan nee, sala husi ministeru sira, tanba PM koalia oin seluk, maibe ninia implementasaun oin seluk.

Aleinde nee Deputada Bankada CNRT, Veneranda Lemos dehan, relasiona ho vasina husi Xefe Governu rasik katak, ema neebe vasina dala rua (2) bele halo sirkulasaun, ba fali ministru sira balun dehan labele tenke halo swab.

“Governu saida mak hanesan nee, atu lori rai no povu ida nee atu ba neebe, iha fatin duni ema barak hakilar katak governu bosok,” dehan nia.

Nia hatutan, tanba laos opozisaun mak hatudu liman no hakilar deit, maibe agora povu rasik haree se mak bosok.*

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: