Dekretu Lei Suplementu Renumeratoriu Ba Jornalista, Sei Iha Faze Preparasaun

DILI, STLNEWS.co – Ministru Asuntu Parlamentares Komunikasaun Sosial (MAPKOMS) Francisco Martins da Costa Pereira Jeronimo informa, dekretu lei ba jornalista lina frente sira dadaun nee sei iha faze preparasaun.

“Prosesu dadaun nee iha hela preparasaun ba lei, tanba lei anterior nee apropriadu ba deit funsionariu publiku, ba jornalista sira presiza lei propria rasik, atu nunee bele fo dalan hodi hetan subsidiu suplementu renumeratoriu nee,” dehan MAPKOMS Fransisco Jeronimo, hafoin remata enkontru ho Primeiru Ministru Taur Matan Ruak iha rezidensial ofisial Farol, Dili, Segunda nee (20/09/2021).

Nia hatete, dekretu lei nee presiza haree didiak antes submete ba Konsellu Ministru, atu deside no haruka ba Prezidente Republika, hodi tetu tuir dalan legal sira neebe mak iha.

“Asesor sira sei haree dalan ida neebe mak bele iha solusaun, tanba ita lakoi halo tiha lei hotu aprova, depois lori ba Prezident Republika mak veta fali mos ladun diak. Entaun ita presiza halo didiak, halo kordenasaun ho didiak, atu nunee lori ba promulga hodi halo ezekusaun,” dehan governante nee.

Nia hatutan, koalia konaba frontline nee, ema neebe mak halo servisu iha lina frente, entaun se mak define ida nee, laos MAPKOMS mak deside, no kada instituisaun media mak bele deside, jornalista ida neebe durante nee halo servisu iha lina frente.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...