Deolindo Sei Kontinua Nia Misaun Ho Diak

DILI, STLNEWS.co – Prezidente Republika Francisco Guterres Lú Olo afirma, Prezidente Tribunal Rekursu Deolindo dos Santos sei kontinua ho nia misaun neebe diak liu.

Kestaun nee Xefe Estadu Francisco Guterres Lú Olo haktuir liu husi nia diskursu iha serimonia tomada de pose ba Prezidente Tribunal Rekursu re-eleitu Juiz Deolindo dos Santos, neebe halao iha Palasiu Prezidensial Bairo Pite, Kinta (29/04/2021).

“Hau hein no dezeja katak ita boot sei kontinua ita nia misaun ho dalan diak liu ita bele, ho konesimentu no intelijensia hatudu ona, ho forsa konviksaun nian, kompetensia, dedikasaun no espírito misaun hatudu ona durante períodu mandatu dahuluk nuudar Prezidente Tribunal Rekursu,” katak Lú olo.

Prezidente Republika iha konfiansa boot iha Juíz Deolindo dos Santos nomos iha koletivu Juiz sira iha Tribunal de Rekursu. Juiz esperiente sira ho meritu rekonesidu ona no hatudu liu husi sira-nia lalaok no progresaun durante sira nia karreira.

“Hau pesoalmente, sei fo tempu nafatin no sei fo apoiu tomak neebe presiza ba knaar husi Juiz Deolindo dos Santos neebe ohin hahu hikas fali nuudar Prezidente Tribunal Rekursu. Parabens no votus ho laran ksolok atu hetan susesu boot liutan durante ita boot ninia mandatu ida tan, ba halao justisa lais liu no hakbesik liutan ba sidadaun sira,” dehan PR.

Nia hatutan, motivu ida neebe ohin hamutuk iha serimonia tomada de posse Prezidente Tribunal Rekursu nian, nuudar sinal importante husi esforsu ba beibeik, atu promove justisa lao lalais liu, ho kualidade diak liu no hakbesik liutan, atu hatan ba sidadaun sira-nia hanoin no hakarak.

Iha biban nee Prezidente Tribunal Rekursu, Deolindo Dos Santos mos hatoo agradese ba Prezidente Republika Francisco Guterres Lú Olo neebe fo nafatin konfiansa ba nia hodi lidera nafatin nuudar PTR.

“Hau senti orgullu ba Prezidente Republika neebe mak fo konfiansa no depozita mai hau, i hau alegria mos ba iha familia do Ministeriu Publiku tomak nomos fo felisidade ba Prokurador Republika sesante, i ao mesmu tempu iha alegria maibe tenki iha mos responsabilidade,”.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: