DILI, STLNEWS.co – Lo-loos Timor Leste (TL) la hasoru krizi ai haan ka enfrenta presu foos folin neebe sae, tanba durante nee TL sai nasaun dependensia ba importasaun rai liur, hodi abandona tiha toos ho natar iha rai laran.
Problema ida mak governu hatoman povu ho subsidiu oin-oin, tan nee halo povu baruk atu produs rasik aihan. No bainhira nasaun importador sira hapara sira nia esportasaun maka TL mos sai vitima.
“Ita haree ikus ikus nee povu neebe hola parte iha setor agrikultor nee, kontinua menus ba beibeik, tanba buat hotu depende ba importasaun husi rai liur, tan nee bain hira nasaun sira neebe bai bain produs nee, hapara sira nia exportasaun ba nasaun hotu, inklui TL mak ita mos hasoru problema, liu liu folin fos sae too US$ 20 implika ba povu kiik, karik ita produs mak fiar katak ita sei la hasoru problema folin iha merkadu, no povu baruk produs, tanba subsidi husi governu,” kestaun nee fo sai husi Akademista, Hugo Lourencio ba STL, Domingu (03/09/2023) liu husi telefone.
Nia afirma, rai bokur barak iha foho sira nee, husik abandona hela, problema nee akontese tanba governu kontinua hatoman povu ho subsidiu. Ida nee sei hafraku mentalidade povu, hodi abandona toos ho natar iha rai laran. Tan nee bainhira Governu India hapara sira nia esportasaun ba nasaun hotu hotu inklui TL, ho ida nee mak halo ema hotu foin hakfodak atu book aan.
(mad)
