Deputada CNRT: Membru Governu Dezloka Ba Expo Dubai Moe Laiha

DILI, STLNEWS.co – Virgina Ana Belo, Deputada husi Bankada CNRT konsidera membru Governu sira ne’ebe mak dezloka ba Expo Dubai moe laiha, tanba hetan kritika maibe kontinua halao viajen ba espozisaun ne’e.

Nia hatete, delegasaun membru governu nain 7 ho delegasaun boot 100 resin ba iha Dubai. CNRT la kestiona kona ba Expo Dubai, maibe preokupa ba ema sira ne’ebe lori ba ne’e barak demais, nu fin ita ba para hasoru deit Embaixador Uni Emirat Arabe. Ministru, Vise Ministru, no Sekretariu Estadu sira ba para hasoru deit embaixador.

“Hau lahatene intensaun saida, tanba preokupante tebes laos na’i deputadu sira deit, maibe sosiedade sivil no ema hotu preokupa ho atitude sira hanesan ne’e. Prontu talves hau bele komprende membru governu sira urat ida moe nee kotu tiha ona, neebe ba deit,” dehan nia iha Parlamentu Nasional, Kuarta (20/10/2021).

Nia hatete, tanba sira ne’e ema atu koalia mos sira la hanoin ida ne’e importante, importante sira ba tiha duni para ezekusaun orsamentu ne’e mos bele sa’e oituan.

Nia tenik, ida ne’e sebele karik PN mos bele atensaun, maibe ne’e laos preokupasaun deputadus sira nian deit, maibe mos preokupasaun publiku konaba membru governu no delegasaun viajen ba Dubai ne’e.

Nia afirma, ate lori tiha ema bar-barak prejudika tiha pasajeirus sira seluk balun tenke hela iha Malazia, depois hetan fali aviaun seluk hodi ba, i pior liu tan mak sira to’o tiha Portugal maibe sira nia mala ka koper seidauk to’o ate agora.

“Ne’e sai preokupasaun ba ita, ita lakohi hatete ida ne’e laloos no ida ne’eba mak loos, maibe ida ne’e mak realidade i pelumenus ita iha netik sensiblidade ituan ba situasaun ida hanesan agora ne’e,” hakotu nia.

Molok nee, Ministru Koordenador Asuntu Ekonomia (MKAE), Joaquim Amaral hatete, delegasaun TL membrus governu inklui ho sira ne’ebe mak atu halo aprezentasaun kultural iha Expo Dubai, atu selebra loron nasional Timor-Leste (TL) nian iha Expo Dubai.

Nia afirma, neebe monu iha loron 18 Outubru 2021 iha loron nee hanesan oportunidade ida neebe Uni Emirat Arabe fo ba Timor-Leste hodi komemora loron nasional TL nian.

Ministru ne’e mos tenik, reprezentante ne’ebe sei partisipa husi membru governu mak Ministru Transporte no Komunikasaun (MTK), Ministru Turizmu, Komersiu, no Industria (MTKI), Vise Ministru MTKI, Ministru Agrikultor no Peskas (MAP), Ministru Petroliu no Minerais (MPM), Ministru Koordenador Asuntu Ekonomia (MKAE), no Vise Ministru Negosiu Estranjeiru no Kooperasaun (MNEK), inklui grupu artista no grupu dansa kultural sira hamutuk 120 mak sei partisipa iha eventu refere.

“Partisipasaun TL sai husi Timor loron 14 Outubru, no sei fila husi Dubai iha loron 20 no 21 to’o iha nee. Numeru ne’ebe ba ne’e hamutuk 120 hodi partisipa ba loron nasional ne’ebe sira fo ba ita iha loron 18 Outubru, sira fo loron ida tomak ba pais partisipante sira iha direitu atu uza hodi selebra sira nia loron nasional, ita sei harii ita nia bandeira RDTL iha expo nia laran, nune’e vizitante sira iha oportunidade konese bandeira nasaun sira, konese sira nia kultura, no sei hakat liu ba haree sira nia sasan ne’ebe iha,” dehan nia.

Nia tenik, iha loron 18 Outubru TL sei selebra iha Expo Dubai loron nasional independensia 28 Novembru.

“Ita iha deit loron nasional mak 28 Novembru, loron nasional signifika loron ida independensia, ne’ebe TL hanesan konstituisaun defini ita iha 28 Novembru hanesan loron nasional ba indepedensia,” nia tenik.

(Dom)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...