Deputadu Adriano: Lalika Fiar Politika Dehan Covid-19 Laiha

DILI, STLNEWS.co – Deputadu Bankada PD Adriano do Nascimento haktuir, nia ho nia familia uma laran vitima hotu ba Covid-19, neebe husu ba politika sira para ona ho politika neebe dehan Covid-19 laiha, tanba Covid-19 laos akontese iha Timor deit, maibe iha mundu tomak.

Nia afirma, Covid-19 kona sira nain sanulu (10) iha uma laran, hetan pozitivu Covid-19 hotu, ninia sintoma mak inus been baibain, maibe la hanesan, garganta nee hanesan ikan ruin sona metin halo mear lasai ida, halo ulun fatuk atu haksoit sai deit, isin manas, isin kolen hotu.

“Ami nain sanulu (10) iha uma laran hetan pozitivu hotu, no halo auto kuarentena iha uma loron 14 to’o 16, neebe Covid-19 nee iha, ita para ona ho politika dehan Covid-19 laiha, tanba Covid-19 nee laos akontese iha Timor deit, maibe akontese iha mundu, i agora dadauk ita deskontrola ona iha Timor Leste,” lia hirak nee Adriano hato’o liu husi plenaria iha PN, Segunda nee (20/09/2021).

Iha biban nee nia husu ba komunidade lalika fiar politika sira neebe mak dehan Covid-19 laiha. No lalika fiar mos politika sira dehan labele ba vasina, maibe dalan vasina mak diak liu.

Aleinde nee mos Deputada Bankada KHUNTO Olinda Guterres haktuir, nia mos rekonese katak, Covid-19 nee iha duni.

“Uluk hau mos pozitivu Covid-19, halo hau nia matan no ain sira bubu hotu, neebe Covid-19 nee iha, se mak la fiar Covid-19 karik husik ba, maibe ami sira neebe mak pozitivu nee sei fiar nafatin,” katak nia.*

reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...