Deputadu Balun Kestiona Loron Feriadu

DILI, STLNEWS.co – Reprezentante povu iha uma fukun Parlamentu Nasional, kestiona loron feriadu neebe governu fo sai katak, iha loron 20 fulan Jullu sei iha feriadu nasional, maibe hare ba ajenda Parlamentu nian, plenaria komisaun permanente kontinua lao.

Preokupasaun nee hatoo husi Deputada Veneranda Lemos, liu husi sesaun plenaria komisaun permanente, Tersa (20/07/2021) iha PN.

“Hau preokupa tanba hare ba kalendariu loron ohin nian nee mean, tanba ita tenke hanoin maluk muslimanu sira neebe ohin selebra sira nia loron, no governu mos fo sai ona pontu toleransia, maibe hare ba realidade ita nia atividade iha Parlamentu nasional kontinua lao,” dehan Deputada Veneranda Lemos.

Nia afirma, tuir kalendariu Parlamentu nian katak, iha loron 20 pontu toleransia no iha loron 19 nee atividade lao hanesan bai bain, alende nee iha mos jornal republika fo sai ona katak 20 de Julio pontu toleransia, maibe konvokasaun reniaun iha Parlamentu nafatin lao, nee tanba sa.

Hatan ba preokupasaun nee Prezidente Parlamentu Nasional, Aniceito Guteres hateten, toleransia do pontu nee governu dekreta ona.

“Lolos nee ohin toleransia do pontu, maibe governu adianta tiha mai 19 horseik, tanba pontu toleransia ba relijiaun musulmanu nee maka ita halo tiha ona iha loron segunda 19 de Julio, no ohin ita nia atividade bele lao normal fali ona,” dehan Prezidente Parlamentu Nasional.

Nia dehan, horiseik loraik maka foin iha informasaun katak, 20 de Jullu sei iha tan pontu toleransia, maibe hare ba feriadu neebe maka Parlamentu halo nee naruk liu ona, hahu iha sabadu, domingo no segunda, tan nee maka tersa feira nee kontinua ho atividade parlamentu nian.*

Reportajen: Madalena Horta/Natalia Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: