Deputadu Lahatene Uza Laptop, Prejudika Servisu

Ofisial Programa AJAR, Inocencio de Jesus Xavier. (Foto: STL/Carme Ximenes)

DILI, STLNEWS.co – Bainhira reprezentante povu, iha Uma Fukun Parlamentu Nasional balu lahatene uza laptop, sei prejudika sira nia servisu hanesan deputadu ou deputada, oinsa atu asegura dokumentu neebe util ba Estadu.

Kestaun nee Ofisial Programa AJAR, Inocencio de Jesus Xavier hatoo, hodi responde ba Vise Prezidente Parlamentu Nasional neebe foin lalais nee, liu husi plenariu Parlamentu Nasional husu ba funsionariu ho tekniku, atu fo formasaun ba deputadu no deputada sira, tanba balun lahatene uza laptop hodi halao servisu.

“Tuir hau nia haree ida nee prejudika servisu no funsionamentu deputadu sira, oinsa atu asegura dokumentu no dadus neebe util ba Estadu,” dehan Ofisial Programa AJAR, Inocencio de Jesus Xavier, liu husi via messenger ba STL, Dili, Kuarta (30/09/2020).

Deputadu ou deputada tuir Inocencio katak, sira laos ema profesional maibe ema politiku no sira nia partidu antes nee la identifika sira nia frakeza sira hodi bele fo solusaun ba konesementu teknika liga ho utilizasaun IT, nunee sai deputadu lahasoru difikuldade uza laptop.

Entretantu antes nee Vise Prezidente Parlamentu Nasional Luis Roberto hatete, laptop neebe fahe ba kada deputadu sira funsaun, atu save dokumentus legais sira neebe husi governu intermus mos Parlamentu Nasional, maibe simu tiha laptop lori ba rai uma toba tan iha leten, dala ruma lauza tan.*

Reportajen: Carme Ximenes
Editora: Carme Ximenes

LEAVE A REPLY

Please enter your comment!
Please enter your name here