Derota Ho Ponta Leste, DIT Sei Hadia Sira Nia Jogu

DILI, STLNEWS.co – Relasiona ho jogu primeira divizaun Liga Futebol Timor Leste (LFTL), ekipa DIT FC derota ho nia adversariu AS Ponta Leste, treinador DIT FC promete sei hadia sira nia jogu hodi kontra ekipa seluk iha jogu tuir mai.

Duelu entre ekipa rua nee realiza iha Estadiu Munisipal Dili, Sesta nee (19/11/2021).

Jogu entre ekipa rua nee partisipa masimu husi adeptus futebol lovers sira, ho nunee ekipa rua nee hahu kedas tama kampu laran.

Iha inisiu jogu ekipa rua nee hatudu jogu neebe mak ho ritmu hanesan, esforsu ekipa rua nee iha minutu balu, ekipa AS Ponta Leste neebe mak halo mudansa hikas sira nia jogu, ho oportunidade neebe mak hetan barak husi jogador ho pozisaun mediu Silverio Garcia, maibe la rezulta tanba hetan salva husi defeza no guarda rede, ekipa adversariu DIT FC ho intensidade jogu nian mos komesa aumenta, ekipa DIT FC mos esforsu makaas atu produz golu ba nia ekipa adversariu AS Ponta Leste, maibe esforsu hirak nee la konsege rezulta golu, hafoin iha minutu 44 esforsu ekipa AS Ponta Leste konsege marka kedas golu dahuluk, neebe mak lidera husi jogador Ricardo Bianco ho pozisaun defeza, husi rezultadu refere rezultadu nakfilak ba 1-0, husi golu nee ekipa rua kontinua nafatin lansa atake ba malu to’o termina jogu, parte dahuluk rezultadu mantein 1-0.

Hafoin oras deskansa, ekipa rua nafatin esforsu hodi defende nafatin idak – idak nia ekipa, maibe esforsu hirak nee la konsege rezulta golu to’o termina jogu refere, husi rezultadu nee vitoria ba ekipa AS Ponta Leste no nia adversariu DIT FC fila ho derota.

Hafoin jogu termina, treinador ekipa DIT FC, Alexandre Cham hatete, derota iha jogu primeiru, tanba iha fallansu lubuk ida neebe sira sei hadia, maibe nee natureza jogu nian, iha ida manan no ida lakon.

“Ba oin ami sei hadia ami nia ekipa, ami bele hasoru jogu ida tuir mai ho diak,” tenik nia.

Iha fatin hanesan, treinador ekipa AS Ponta Leste, Francisco de Araujo hatete, jogu primeiru laos fasil atu ekipa forte ou ekipa fraku, maibe atu dehan deit katak jogu ida neebe difisil tebes.

“Entaun ohin ami tenta atu ultrapasa husi ekipa, i ami konsege hetan golu ida deit, ida nee servisu ida neebe mak ami sei hadia tan,” nia hakotu.

(mar)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...