Desde Harii ASDT, Feto Hahu Hamriik Luta

Desde harii ASDT iha funu laran, feto sira mos hahu hatudu vontade hamutuk ho mane sira hodi luta ba ukun rasik aan. (Foto: STL/Donaciano Magalhães)

DILI, STLNEWS.co – Desde harii ASDT iha funu laran, feto sira mos hahu hatudu vontade hamutuk ho mane sira hodi luta ba ukun rasik aan.

Veterana Regina Soares Ximenes ba STL, iha Muceu Nacional, Kuarta (03/03/2021) hatete, feto nia involvimentu iha luta hahu iha 1974 bainhira harii ASDT.

“Atu hatete deit katak iha tinan 1974 kuandu harii ASDT, feto komesa hamriik ona hodi partisipa atividade neebe hamutuk ho mane atu buka dalan ba ukun rasik aan ba povu nia moris ba liberdade” hatete veterana Regina Soares Ximenes.

Veterana nee hatutan, atividade neebe mak feto sira hahu halo iha tempu disifil nee mak feto sira halo propaganda politika oinsa bele hamriik mesak, no atividade seluk mak tun ba povu sira nia leet hodi halao konaba saude no kooperativa oinsa halo toos hodi buka osan no hatama osan.

“Buat neebe mak feto sira bele halo, liu liu mos alfabetizasaun hanorin sira hakerek lee para bele aban bainrua iha produtu rasik hodi sira hatama sira nia osan ba banku, no sira mos bele hatene ona liu husi sira koinesementu liu alfabetizasaun” hatete nia.

Iha tempu neebe mak disifil iha luta ukun rasik aan momentu nee, feto sira mos ativu tebes hodi hamutuk mane luta ba ukun rasik aan.

Nia hatutan, feto sira ativismu tebes iha tempu neeba liu liu joven sira, hodi harii organizasaun juventude feto ho mane tun kedas iha kampu hodi hamutuk ho povu iha terenu .

Nunee mos Istoria iha Muceu Nacional, neebe STL asesu iha neeba mos hakerek konaba feto sira nia luta ba ukun rasik aan, feto barak mak partisipa iha laran.

Iha fatin hanesan mos, Buibere Maria Do Ceu Perreira Bilear, Fundador ASDT, katak sai fundador partidu ASDT no envolve ativu iha estruturasaun partidu. ASDT harii nia estrutura husi nivel nasional too iha suku no ASDT hili feto edukada sai delegada partidu ho knaar sosializasaun programa partidu no halo rekrutamentu ba simpatizante no militante foun partidu.

Partidu ASDT sai forum ba feto sira hodi espresa sira nia aan hodi ba dala uluk konaba diskriminasaun neebe mak feto sira hasoru.*

Reportajen: Emerenciana Pinto/Santina Castro
Editor: Ekipa STL

LEAVE A REPLY

Please enter your comment!
Please enter your name here